16:03, 01 - اقپان 2023 | GMT +6
بيىل جىلىنا 1250 ميلليون توننا پوليەتيلەن وندىرەتىن جوبا قولعا الىنباق
استانا. قازاقپارات - بيىل قازاقستان مۇناي- گاز- حيميا سالاسىندا 515 مىڭ توننا ءونىمىن وندىرمەكشى، دەپ حابارلايدى قازاقپارات ءتىلشىسى.
بۇل تۋرالى ەنەرگەتيكا ءمينيسترى بولات اقشولاقوۆ ۆەدومستۆونىڭ كەڭەيتىلگەن القا ماجىلىسىندە ءمالىم ەتتى.
«2023 -جىلى مۇناي- گاز- حيميا ءونىمىن ءوندىرۋ كولەمى 515 مىڭ توننا دەڭگەيىندە جوسپارلانۋدا. سالانى ودان ءارى دامىتۋ شەڭبەرىندە قۇنى شامامەن 900 ميلليون دوللار بولاتىن بۋتاديەن ءوندىرۋ كەشەنىنىڭ قۇرىلىسى باستالدى»، - دەدى ول.
ءمينيستردىڭ ايتۋىنشا، بيىل «پوليەتيلەن» جوباسىنىڭ اياسىندا مۇناي وڭدەۋ ءوندىرىسىن تەرەڭدەتۋ جالعاسىن تابادى.
«2023 -جىلى «پوليەتيلەن» جوباسىنىڭ اياسىندا قۋاتى 9 ميلليارد تەكشە مەتر گازدى قايتا وڭدەۋگە مۇمكىندىك بەرەتىن گاز سەپاراتورلىق قوندىرعىنى قارجىلاندىرۋ ماسەلەسى شەشىلىپ، قۋاتى جىلىنا 1250 ميلليون توننا بولاتىن پولەتيلەن كەشەنىن جوبالاۋ باستالادى»، - دەدى بولات اقشولاقوۆ.
