الماتىلىق ەگىز قىز ۇ ب ت- دان 125 جانە 119 بال جيناپ شىقتى

استانا. قازاقپارات - ۇ ب ت- دان 125 بال جيناعان الماتىلىق قىزدىڭ ەگىزى دە تەستىلەۋدەن جوعارى ناتيجە كورسەتتى، - دەپ حابارلايدى Tengrinews.kz ءتىلشىسى.

التىنسارين اتىنداعى 159№ مەكتەپ-گيمنازيانىڭ تۇلەكتەرى ءرامزيا مەن ءماريام وسپانوۆا «التىن بەلگىنى» اقتاپ شىقتى. تەستىلەۋدە ەكەۋى دە بەسىنشى ءپان رەتىندە اعىلشىن ءتىلىن تاڭداعان ەكەن. ءرامزيا بەرىلگەن 125 سۇراقتىڭ بارلىعىنا دۇرىس جاۋاپ بەرسە، ءماريام 119 بال جينادى.

«ۇ ب ت- نى ءساتتى تاپسىرۋ ءۇشىن ساباق وقىپ، مەكتەپتەن قالماۋ كەرەك، باسقا تۇلەكتەردىڭ دە كەڭەسىن تىڭداعان ءجون. وسىنداي ناتيجەگە جەتۋگە ۇمىتتەندىم»، - دەدى ءرامزيا. ەگىزدەر ەندى ءبىر ۋنيۆەرسيتەتتە ءبىلىم الۋدى ماقسات ەتىپ وتىر. قازىر ولار گونكونگ قالاسىنىڭ ۋنيۆەرسيتەتىنە قۇجات تاپسىرىپ قويدى، سونىمەن قاتار، نازاربايەۆ ۋنيۆەرسيتەتىندە نەمەسە KIMEP  تە ءبىلىم الۋى مۇمكىن.

ايتا كەتەيىك، ۇ ب ت- دان 125 بال جيناعان تاعى ءبىر تۇلەك - ارۋجان مەيىرحانوۆا دا وسى مەكتەپ-گيمنازيادا وقىعان.

ءرامزيا وسپانوۆا مەن ارۋجان مەيىرحانوۆا.

ارۋجان مەيىرحانوۆا دا بەسىنشى ءپان رەتىندە اعىلشىن ءتىلىن تاڭداپتى. «بولاشاقتا حالىقارالىق قاتىناستار سالاسىندا جۇمىس ىستەگىم كەلەدى. 9 سىنىپتان بەرى نازاربايەۆ ۋنيۆەرسيتەتىندە وقۋدى ارمانداپ ءجۇرمىن»، - دەدى ارۋجان.

«بۇل مەنىڭ عانا جەتىستىگىم ەمەس. بۇعان اتا-انام دا، مۇعالىمدەر دە ەڭبەك ءسىڭىردى. ولار بىزگە سەنىم ارتتى. باسىنان باستاپ جوعارى بال جيناۋدى ماقسات ەتتىم. تەستىلەۋ كەزىندە بايقاۋ سىناقتارىندا كەزدەسپەگەن سۇراقتار بولدى، دەگەنمەن ونى لوگيكانىڭ، 11 جىل بويى العان ءبىلىمنىڭ ارقاسىندا شەشتىم. باستىسى - قوبالجىماۋ كەرەك، سونىمەن قاتار، ءوز كۇشىڭە سەنۋ وتە ماڭىزدى»، - دەدى «التىن بەلگىگە» ۇمىتكەر ارۋجان مەيىرحانوۆا.

ارۋجان مەيىرحانوۆا.

ايتا كەتەيىك، بيىلعى ۇ ب ت- نىڭ العاشقى كۇنىندە قازاقستان بويىنشا الماتىنىڭ ءۇش تۇلەگى 125 بال جينادى.

بيىلعى تەستىلەۋ 2-10- ماۋسىم ارالىعىندا وتكىزىلەدى. قازاقستاندىق تۇلەكتەر بيىل سوڭعى رەت ۇ ب ت- نى ءداستۇرلى فورماتتا تاپسىرىپ جاتىر.