03:41, 11 - قىركۇيەك 2016 | GMT +5
پولكوۆنيكتىڭ ۇيىنەن 124 ميلليون دوللار تاركىلەندى
استانا. قازاقپارات - تەرگەۋشىلەر رەسەي ءى ءى م ەكونوميكالىق قاۋىپسىزدىك جانە سىبايلاس جەمقورلىققا قارسى باس باسقارماسى «ت» باسقارماسىنىڭ باسشىسىنىڭ ورىنباسارى دميتري زاحارچەنكونىڭ ءۇيىن ءتىنتىدى.
پولكوۆنيكتىڭ ۇيىنەن 8 ميلليارد رۋبلگە تەڭ ۆاليۋتا (شامامەن 124,6 ميلليون دوللار) تابىلعان، دەپ حابارلايدى رەسەيلىك ريا نوۆوستي اگەنتتىگى.
«پولكوۆنيك زاحارچەنكونى ءتىنتۋ جاقىندا اياقتالدى. باستاپقى ساناق بويىنشا ودان رۋبلگە شاققاندا 8 ميلليارد بولاتىن ءىرى سوماداعى دوللار تاركىلەندى» ، - دەدى اگەنتتىككە اقپارات بەرۋشى.
«بارلىق بايلىعى بەلگىسىز. تەك ۇيدەگى قولما- قول اقشا عانا تاركىلەندى، ونىڭ تاعى دا قانداي اكتيۆتەرى بار ەكەنىن انىقتاۋ باعىتىندا ءىس جۇرگىزىلۋدە» ، - دەدى ول.
