الماتىدا لاڭكەستىككە قاتىسى بار دەگەن كۇدىكپەن 1237 ادام ۇستالدى

الماتى. قازاقپارات - الماتى كومەنداتۋراسىنىڭ اقپارات ورتالىعى قالاداعى جاعداي تۋرالى قىسقاشا ماعلۇمات بەردى، دەپ حابارلايدى قازاقپارات ءتىلشىسى.

كومەنداتۋرا مالىمەتىنشە، قالاداعى مىنا ايماقتار قىلمىسكەرلەردەن تازارتىلدى: اۋەزوۆ، الاتاۋ جانە مەدەۋ اۋداندارىنىڭ اۋماعى، سونداي- اق «وجەت» ىقشاماۋدانى مەن الماتى حالىقارالىق اۋەجايىنا شەكارالاس اۋماقتا لاڭكەستەردەن تازارتۋ جۇمىستارى جۇرگىزىلدى.

«لاڭكەستىك، توناۋ جانە باسقا دا قىلمىستاردىڭ 1237 قاتىسۋشىسى ۇستالدى. 31 بىرلىك اتىس قارۋى مەن 1428 وق- ءدارى تاركىلەندى. بلوك- پوستتاردا 38 ادام ۇستالدى «102» باسقارۋ پۋلتىنە نەبارى 608 حابارلاما كەلىپ ءتۇستى»، - دەلىنگەن حابارلامادا.

سونىمەن قاتار، كومەنداتۋرانىڭ كولل- تسەنترىنە ازاماتتاردان جەدەل ارەكەت ەتۋدى تالاپ ەتەتىن 253 دابىل ءتۇستى.