انتاكيادا جەر سىلكىنىسىنەن 122 ساعات وتكەن سوڭ ءۇيىندى استىنان ەكى جاسار قىز قۇتقارىلدى
ىزدەستىرۋ- قۇتقارۋ جۇمىستارىنا قاتىسقان جاندارمەريا قىزمەتكەرلەرى گيۋنەش كوشەسىندەگى ۇيلەردىڭ ءبىرىنىڭ قيراندىسى استىندا قالعان بالانىڭ داۋىسىن ەستيدى. قىز بالا العاشقى مەديتسينالىق كومەك كورسەتىلگەننەن كەيىن اۋرۋحاناعا جەتكىزىلدى.
بۇعان دەيىن حابارلانعانداي، ەپيتسەنترى تۇركيانىڭ كاحرامانماراش قالاسىندا بولعان جەر سىلكىنىسىنەن زارداپ شەككەندەردىڭ سانى 20 مىڭنان استى، 80 مىڭنان استام ادام زارداپ شەكتى.
دۇيسەنبى، 6- اقپاندا جەتى بالدان اساتىن ەكى جەر سىلكىنىسى بولدى (جەرگىلىكتى ۋاقىت بويىنشا 4:17-دە - 7,7 بالل جانە 13:24-تە - 7,6 بالل). جۇزدەگەن افتەرشوكپەن جالعاسقان جەراستى ءدۇمپۋى ەلدىڭ 10 پروۆينتسياسىندا، سونداي- اق كورشىلەس مەملەكەتتەردە دە سەزىلدى.
ەل پرەزيدەنتى رەجەپ تايىپ ەردوعان تابيعي اپات زاردابىنا بايلانىستى تۇركيادا جەتى كۇندىك جالپى ۇلتتىق ازا تۇتۋ جاريالادى. بۇكىل ەل بويىنشا مەملەكەتتىك تۋلار تومەن ءتۇسىرىلدى.
جويقىن جەر سىلكىنىسى كورشىلەس ەلدەردە، سونىڭ ىشىندە سيريا، ليۆان، سولتۇستىك كيپردىڭ تۇرىك رەسپۋبليكاسى، گرەكيا كيپرىندە جانە يراكتا دا سەزىلدى.
فوتو: aa.com.tr
اۆتور
زارينا تۋعانبايەۆا
