قازاقستان ونىمدەرىن 122 ەلگە ەكسپورتتايدى
« قازاقستان ءىرى ەكسپورتتاۋشى ەلدەردىڭ اراسىندا 53- ورىندا تۇر. وڭدەۋ ونەركاسىبىندەگى قازاقستاندىق ءونىم 122 ەلگە ەكسپورتتالادى. وتكەن جىلدىڭ 11ايىندا ەكسپورت كولەمى 31,6 پايىزعا ارتىپ، 43,1 ميلليارد ا ق ش دوللارىن قۇرادى. يمپورت 15,8 پايىزعا ارتتى. نارىقتارداعى ەكسپورت ۇلەسى مىناداي: ءبىز ءوز ونىمدەرىمىزدىڭ 50 پايىزىن ەۋروپالىق وداققا، 12 پايىزىن قىتايعا، 11 پايىزىن ە ا ە و- عا جانە 5 پايىزىن ورتالىق ازياعا شىعارامىز. ءبىز ۋران، مىس، تيتان، فەرروقورىتپالار، سارى فوسفور، ۇن، استىق جانە باسقا دا ونىمدەردى جەتكىزۋدە الەمدىك كوشباسشى سانالامىز»، - دەدى مينيستر.
ونىڭ ايتۋىنشا، ەلباسىنىڭ تاپسىرماسىنا سايكەس اعىمداعى جىلى مينيسترلىك ينۆەستيتسيا تارتۋدى كۇشەيتەتىن بولادى. بۇل باعىتتا قازاقستاننىڭ ينۆەستيتسيالىق برەندىن ازىرلەۋ جۇمىستارى اياقتالىپ قالدى. اقپاراتتى- مونيتورينگ جۇيەسى وندىرىستىك پايدالانۋ ءۇشىن ىسكە قوسىلدى. سونىمەن قاتار وسى جىلدىڭ مامىر ايىندا ەلوردادا ەلىمىزگە ينۆەستيتسيا تارتۋ مۇمكىنشىلىكتەرىن كەڭەيتە تۇسەتىن حالىقارالىق ينۆەستيتسيالىق فورۋم وتەتىن بولادى.
«يندۋستريالىق سالادا 51 قازاقستاندىق- قىتايلىق جوبا بويىنشا جۇمىس جالعاسۋدا، 4 جوبا ىسكە قوسىلدى. اعىمداعى جىلى سوماسى 363 ميلليون دوللاردى قۇرايتىن 6 جوبانى ىسكە قوسۋ جوسپارلانعان. جالپى 51 جوبانىڭ قۇنى 27 ميلليارد دوللاردان اسىپ جىعىلادى»، - دەدى جەڭىس قاسىمبەك.
اۆتور: مارلان جيەمباي
