الەمدەگى ەڭ كارى ادامنىڭ جاسى 121دە
استانا. قازاقپارات - 121 جاستاعى چيلي تۇرعىنى - الەمدەگى ەڭ كارى ادام. وسىدان 22 جىل بۇرىن، 1995 -جىلى مارتا راميرەس 99 جاستاعى قاريانى ۇيىنە پانالاتقان. ويتكەنى چەلينو ۆيللانۋەۆانىڭ ءۇيى ورتەنىپ كەتكەن.
تۋۋ تۋرالى كۋالىگى، مۇلكى تۇگەلدەي جانىپ كەتكەن. ونى قاناتىنىڭ استىنا العان مارتا راميرەستىڭ ايتۋىنشا، ونىڭ 121 جاسقا تولۋ مەرەيتويىن اتاپ وتۋگە تۋرا كەلەتىنىن كۇتپەگەن.
جەرگىلىكتى باسىلىمداردىڭ حابارلاۋىنشا، چەلينو كولا ىشكەندى، ءتۇرلى جەمىستەر، ىرىمشىك پەن كرەكەر جاقسى كورەدى ەكەن. الايدا ول جاس كەزىندە تەمەكى شەككەنىن جاسىرمادى. ءوزىنىڭ كوپ جاساۋىنىڭ قۇپياسى «قانمەن بەرىلگەن»، - دەيدى ول.
قاريانىڭ سوزىنشە، اكەسى دە ءجۇز جاساعان كورىنەدى.
