ۋكرايندىك ۇشقىش كوز كورمەس قاراڭعىلىقتا 121 جولاۋشىنى امان-ەسەن جەرگە قوندىردى - فوتو

بۇرشاق سالدارىنان ۇشقىشتىڭ تەرەزەسى دە سىنىپ كەتكەن.

الەكساندر اكوپوۆ ۋكراين ەكيپاجىنىڭ كاپيتانى. ول 121 جولاۋشى مەن 6 ەكيپاج مۇشەسىن جەرگە امان-ەسەن قوندىردى. Atlas Global اۋەكومپانياسى ستانبۇلدان سولتۇستىك كيپردەگى ەردجانعا ۇشپاق بولادى. ۇشاق ۇشىپ شىعاردىڭ الدىندا اۋا- رايى جاقسى بولعان.

اۋا- رايى بۇزىلىپ، جاۋعان بۇرشاقتان كوز الدى كورىنبەي قالادى.

ۇشاقتاعىلاردىڭ ءبارى اپات بولادى دەپ سەنگەن. جولاۋشىلار ىشىندە اجال قۇشامىن دەپ ويلاعاندار ايقايعا باسىپ جىلاپ جاتتى.

كاپيتان اكوپوۆ كەرى قايتۋدى ويلاپ، ۇشاقتى جانىنا بۇرادى. وسىلايشا شەتكى اينەكتەن دالانى ازداپ كورە العان.

ەكيپاجدىڭ وزگە مۇشەلەرى مەن اتاتۇرىك اۋەجايىنىڭ قىزمەتكەرلەرى دە جاقسى جۇمىس ىستەگەن. وسىلايشا ۇشاقتى امان-ەسەن جەرگە قوندىردى.

وزگە ۇشقىشتار شامىن جاعىپ، اكوپوۆتىڭ قولىن الۋ وعان ءۇشىن ارنايى بارىپتى.

51 جاستاعى الەكساندر اكوپوۆ 31 جىلدان بەرى ۇشاق باسقارادى. ونىڭ اسپاندا ۇشقان ۋاقىتى 14 مىڭ ساعات. ۋكراين مەن تۇرىك باسىلىمدارىنىڭ باتىرىنا اينالعان ول كسرو كەزىندە ءبىلىم الىپ، ۋكرايناداعى ازامات سوعىسىنىڭ الدىندا جۇمىس ىستەۋ ءۇشىن ءوز ەلىنەن كەتكەن.

الەكساندر ءوزىنىڭ بۇل ەرلىگىن اسا ماقتانىشپەن ايتا بەرمەيدى. ءبىراق ومىرىندەگى ەڭ قاۋىپتى رەيسى سول بولعانىن مويىندايدى.

«مەنى باتىر ەتىپ كورسەتۋدىڭ كەرەگى جوق. جاراي ما؟ اسا ماقتاۋدىڭ كەرەگى جوق. مەن جاي عانا ءوز مىندەتىمدى اتقاردىم»، - دەيدى اكوپوۆ ۋكراين تىلشىلەرىنە بەرگەن سۇحباتىندا.