سارىاعاش شەكاراشىلارى ءبىر تاۋلىكتە 121 وزبەكستاندىقتى ۇستادى
اتاپ ايتقاندا، «قاپلانبەك-اۆتو» باقىلاۋ-وتكىزۋ بەكەتىندە شەكاراشىلار وزبەكستان رەسپۋبليكاسىنىڭ 92 ازاماتىن ۇستاۋعا ءماجبۇر بولدى. بارلىعىنىڭ قۇجاتتارىندا كوشى-قون پوليتسياسىنىڭ تىركەمەسى بولماي شىقتى، ءارى ءبىزدىڭ ەلىمىزدە 60 كۇننەن ارتىق زاڭسىز جۇرگەندىكتەرى انىقتالدى. ايتۋلارىنا قاراعاندا، ولار تۇرعىلىقتى جەرىنە قايتىپ بارا جاتقان.
ولاردىڭ اراسىندا ءبىزدىڭ ەلىمىزدە زاڭسىز ءجۇرۋ جاعىنان «رەكورد جاساعاندارى» دا كەزدەسەدى. مىسالى، 4 وزبەكتىڭ قازاقستاندا زاڭسىز جۇرگەندەرىنە 150 تاۋلىك بولعاندىعى انىقتالدى.
«جىبەك جولى-اۆتو» باقىلاۋ-وتكىزۋ بەكەتىنىڭ شەكاراشىلارى وزبەكستاننىڭ 29 ازاماتىن ۇستادى. بارلىعى دا جوعارىدا ايتىلعانداي كوشى-قون زاڭدىلىعىن بۇزعان، ەلىمىزدە زاڭسىز جۇرگەندەرىنە 1 كۇننەن 30 كۇنگە دەيىن سوزىلىپتى.
ۇستالعانداردىڭ بارلىعى اكىمشىلىك جاۋاپكەرشىلىككە تارتىلدى.
