قىتايدىڭ سولتۇستىگىندە سۋ تاسقىنى سالدارىنان 120 مىڭ ادام ەۆاكۋاتسيالاندى

تايۋان. شينحۋا - قازاقپارات - قىتايدىڭ سولتۇستىگىندەگى شانسي پروۆينتسياسىندا ۇزاققا سوزىلعان نوسەر جاڭبىر سالدارىنان سۋ تاسقىنى بولدى. 120 مىڭنان استام ادام ەۆاكۋاتسيالاندى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

پروۆينتسيانىڭ توتەنشە جاعدايلار باسقارماسىنىڭ دەرەكتەرىنە قاراعاندا، سۋ تاسقىنىنان 76 وكرۋگتەن، قالالار مەن اۋدانداردان 1,76 ميلليون ادام زارداپ شەككەن.

ۆەدومستۆونىڭ مالىمەتىنشە، 190 مىڭ گەكتارعا جۋىق ەگىستىككە زاقىم كەلگەن، 17 مىڭنان استام عيمارات قۇلاعان. ءار ءتۇرلى دەڭگەيدەگى توتەنشە جاعدايلار ورگاندارى زارداپ شەككەن تۇرعىنداردى ورنالاستىرۋ ءۇشىن 4000 شاتىر، 3200 جينالمالى توسەك، جاستىق كيىم مەن كورپە جانە باسقا دا قاجەتتى زاتتاردى ءبولدى.