بوتاقارا كەنتىنە 120 جىل تولدى جانه بۇل اتاۋى قالاي قويىلعانى ايتىلدى - فوتو
ەل تاۋەلسىزدىگىنىڭ 30 جىلدىعى مەن اتاۋلى داتاسىنا وراي اۋدان ورتالىعىنىڭ مادەنيەت ۇيىندە «كيەلى مەكەنىم - بوتاقارا» اتتى مەرەكەلىك ءىس-شارا ءوتتى، دەپ حابارلايدى قازاقپارات ءتىلشىسى.
مەرەكەگە جەرگىلىكتى تۇرعىندار مەن اقساقالدار، كەنتتىڭ بۇرىنعى باسشىلارى مەن بۇقار جىراۋ اۋدانىنىڭ اكىمى سەرجان ايماقوۆ قاتىستى. سونداي- اق، ءىس-شاراعا باسقا ەلدەردە تۇراتىن بوتاقارا كەنتىنىڭ تۋمالارى دا قوسىلدى. شارا بارىسىندا شىنايى قۇتتىقتاۋلار مەن اسەرلى ەستەلىك اڭگىمەلەر ايتىلدى.
«بوتاقارا - اۋدانىمىزدىڭ ەڭ تىعىز ەلدى مەكەندەرىنىڭ ءبىرى. مۇندا التى مىڭنان استام ادام تۇرادى. اۋىلدىڭ تاريحى مەن مۇراسى وتە باي، ونى ۇمىتپاۋ كەرەك. سونداي-اق، ءبىز اۋدانىمىزدىڭ زاماناۋي، جايلى جانە گۇلدەنگەن ەلدى مەكەن بولۋى ءۇشىن بارلىعىن جاساۋىمىز كەرەك»، - دەدى سەرجان ايماقوۆ.
مەرەيتوي جىلى بوتاقارا كەنتىندە ون ءبىر كوشەگە جارىق بەرىلدى. سونداي-اق، ءۇش زاماناۋي بالالار الاڭى ورناتىلىپ، كوپ قاباتتى تۇرعىن ۇيلەردىڭ ەكى اۋلاسى اباتتاندىرىلىپ، بوتاقارا ستانسياسىندا شاعىن فۋتبول الاڭى اشىلدى. كەلەسى جىلى كەنتىشىلىك جولداردى جوندەۋ جوسپارلانۋدا. مەرەيگەر اۋىل 1901 -جىلى قۇرىلعان. باستاپقىدا ول ساننيكوۆسكوە اۋىلى دەپ اتالدى. وسى كۇنگە دەيىن ەلدى مەكەن بىرنەشە رەت اتاۋىن وزگەرتتى. ول 1961 -جىلى كەنت مارتەبەسىن الدى. ال 1997 -جىلى وعان اڭىز بويىنشا 18-عاسىردا قالماقتارمەن شايقاس كەزىندە قازاق جاۋىنگەرلەرىنىڭ باسىندا تۇرعان ناربوتا باتىردىڭ قۇرمەتىنە بوتاقارا اتاۋى بەرىلدى.
اۆتور: اگاتا مۋحامەدجانوۆا
