پاۆلودار وبلىسى تۇرعىنىنىڭ 120 توننا ءشوبى ورتەنىپ كەتتى

بۇل تۋرالى قازاقپارات ت ج د سىلتەمە جاساپ حابارلايدى. ولگينكا اۋىلىنداعى ءورت تۋرالى حابارلاما ت ج د- ءىڭ پۋلتىنە 5 -قىركۇيەك كۇنى تاڭعى ساعات سەگىز جارىمدا كەلىپ ءتۇستى. مير كوشەسى 2/1 ءۇيدىڭ اۋلاسىنىڭ اۋماعىندا 320 شارشى مەتر الاڭدا شامامەن 120 توننا ءشوپ ورتەندى. سونداي- اق، ون شارشى مەتر الاڭداعى كىرپىشتەن قالانعان گاراجدىڭ توبەسىنىڭ اعاش قۇرامالارى جانە اعاش دۋالدار جارتىلاي جاندى. ءورت ساعات 15:46 دا اۋىزدىقتالىپ، ساعات 20:41-دە تولىقتاي جويىلدى. ءورتتىڭ شىعۋىنىڭ الدىن الا سەبەبى رەتىندە قاساقانا ورتەۋ نۇسقاسى قاراستىرىلىپ جاتىر.