08:02, 05 - ماۋسىم 2019 | GMT +6
اقمولالىق 120 پوليتسەي ءبىر مەزەتتە ءانۇراندى شىرقادى
كوكشەتاۋ. قازاقپارات - اقمولا وبلىستىق پوليتسيا دەپارتامەنتىنىڭ قىزمەتكەرلەرى مەملەكەتتىك رامىزدەر كۇنىن ءسان-سالتاناتپەن اتاپ ءوتتى، دەپ حابارلايدى قازاقپارات ءتىلشىسى.
«سالتاناتتى شارا بارىسىندا پوليتسيا دەپارتامەنتىنىڭ ۇرلەمەلى وركەسترىنىڭ سۇيەمەلدەۋىمەن ەگەمەن ەلىمىزدىڭ مەملەكەتتىك رامىزدەرى - تۋ مەن ەلتاڭبا ءماجىلىس زالىنا شىعارىلدى. بۇدان كەيىن، اتالمىش وركەستردىڭ سۇيەمەلدەۋىمەن پوليتسيا دەپارتامەنتىنىڭ 120 قىزمەتكەرى ءانۇراندى شىرقادى»، - دەپ ءمالىم ەتتى ۆەدومستۆودان.
سونىمەن قاتار، ءبىر توپ پوليتسيا قىزمەتكەرىنە سالتاناتتى تۇردە وفيتسەرلىك اتاق بەرىلدى. بۇدان بولەك، 9 ادام ورتا جانە جوعارى باسشىلىق قۇرامنىڭ پوگونىن الدى.