بويجەتكەن ارمانى ءۇشىن كۇن سايىن 120 شاقىرىم جول جۇرۋگە ءماجبۇر

  استانا. قازاقپارات - باتىس قازاقستان وبلىسىنىڭ يانايكينو اۋلىندا تۇراتىن 16 جاستاعى رامزيا ۋتياپوۆا ۆولەيبولدان جاتتىعۋعا بارۋ ءۇشىن كۇندە ورالعا قاتىناۋعا ءماجبۇر. ول كۇن سايىن قالاعا بارىپ- كەلۋ ءۇشىن 120 شاقىرىم جول جۇرەدى ەكەن.

بۇل تۋرالى «ۋرالسكايا نەدەليا» باسىلى جازادى.

سپورتقا جانى قۇمار بويجەتكەن تۋرالى «گراتسيا» اتالاتىن جەرگىلىكتى ۆوللەيبولدان ايەلدەر كومانداسىنىڭ جاتتىقتىرۋشىسى كۋلەنكە گۋباشيەۆا ايتىپ بەردى.

«مەنىڭ ءار ءتۇرلى سپورتشىلارىم بولدى. ولاردىڭ ىنتاسى مەن ءتارتىبى دە ءار ءتۇرلى. الايدا مۇنداي قىزدى ءبىرىنشى رەت كەزىكتىرۋىم. مۇنداي قىزدار سپورتتا جاقسى جەتىستىكتەرگە جەتەدى» ، - دەيدى ول.

ال رامزيانىڭ ءوزى الەمدىك چەمپيوناتتا ويىن كورسەتۋدى ارماندايتىنىن ايتتى.

«كاسىبي ۆوللەيبولشى بولعىم كەلەدى. الەم بىرىنشىلىگىندە ويناپ، كوپ دوپ سالىپ، جەڭىسكە جەتسەم دەيمىن» ، - دەيدى بويجەتكەن.

Stan.kz