سارى اعاشتا جىلىجايلاردان 120 مىڭ توننادان استام ءونىم جينالدى - فوتو
ويتكەنى وبلىستاعى جىلىجايلاردىڭ 50 پايىزى وسى اۋدانعا تيەسىلى، دەپ حابارلايدى و ق و اكىمىنىڭ باسپا ءسوز قىزمەتى.
جىلىجاي شارۋاشىلىعى سارى عاش اۋدانىندا جىلدان جىلعا كوبەيىپ، جالپى كولەمى بويىنشا دا، الىنعان ءونىمى بويىنشا دا ەلىمىزدە كوش ىلگەرى تۇرعان سالا. ماسەلەن، 2007-2008 -جىلدارى جارتى توبە مەن دەربىسەك اۋىلدىق وكرۋگتەرىندە 32,5 گەكتار جەردە عانا جىلىجاي بولعان بولسا، ودان كەيىنگى جىلدارى جىلىجاي 21 اۋىلدىق وكرۋگتە سالىنىپ، كولەمى 664 گەكتارعا جەتتى. وسى جىلىجايلاردان وتكەن جىلى 120 مىڭ 273 توننا ءونىم الىندى. ونىڭ ىشىندە 99 مىڭ توننادان استامى قىزاناق، 21205 تونناسى قيار. ءار گەكتاردان الىنعان ءونىمنىڭ ورتاشا تۇسىمدىلىگى 1866,6 سەنتنەردى قۇرادى.
ال وتكەن جىلى 72,2 گەكتار جەرگە جىلىجايلار سالىنىپ ىسكە قوسىلدى. اتالعان جىلىجايلاردا 13247 ادام جۇمىسپەن قامتىلعان. جىلىجايلاردان الىنعان ءونىم نەگىزىنەن قازاقستاننىڭ سولتۇستىك ايماقتارى مەن رەسەي فەدەراتسياسىنىڭ كوپتەگەن قالالارىنىڭ كوكونىسكە دەگەن مۇقتاجىن قامتاماسىز ەتىپ وتىر.
سونداي- اق اۋداندا جىلىجاي شارۋاشىلىعىن دامىتۋ بويىنشا شەبەرلىك ساباقتارى ءوتىپ تۇرادى. وندا ماماندار جابىق توپىراقتا قىزاناق، قيار، باقشا ونىمدەرىن قالاي مولىنان الۋعا بولاتىنىن جانە جىلىجايدى قالاي سالۋدى، ماتەريال، تۇقىم، تىڭايتقىشتار تاڭداعاندا نە نارسەگە نازار اۋدارۋ قاجەتتىگىن ۇيرەتەدى.
ايتا كەتەيىك، وبلىستا جىلىجاي كولەمى وتكەن جىلى 212 گەكتارعا ارتىپ، جالپى 1335 گەكتارعا جەتتى.
