سپورتشىنى 120 كەلىلىك زىلتەمىردىڭ قالاي جانشىعانى ۆيدەوعا ءتۇسىپ قالعان

استانا. قازاقپارات - اۆسترالياداعى كۆينسلەندتە سپورت زالىنداعى باقىلاۋ كامەراسىنا 120 كەلىلىك زىلتەمىردىڭ 28 جاستاعى دجەيسون لەيتتى باسىپ قالعانى ءتۇسىپ قالعان.

ول جاتتىقتىرۋشىسىنىڭ باقىلاۋىنسىز اۋىر سالماقتى ءوز ەركىمەن كوتەرىپ كورمەك بولعان.

ۆيدەودا شتانگانىڭ سپورتشىنىڭ ۇستىنە قۇلاپ، موينىنا قاراي باياۋ سىرعىپ كەلە جاتقانى انىق كورسەتىلگەن.

زارداپ شەككەن ازامات وقيعانى كورگەندەر كومەككە كەلگەنشە 17 سەكۋند بويى جانتالاسۋمەن بولدى، دەپ حابارلايدى Daily Mail.

ول دەرەۋ اۋرۋحاناعا جەتكىزىلىپ، موينىنا تاڭعىش سالىندى. جاتتىعۋ زالىنىڭ يەسى گەنەزيس مورەيفيلدىڭ ايتۋىنشا، مۇنداي باقىتسىز جاعدايلار ءجيى بولىپ تۇرادى.

وتكەن ايدا عانا 15 جاستاعى جاس ءوسپىرىم بالا 30 مينۋتتى زىلتەمىردىڭ استىندا وتكەرگەن. قازىرگى ۋاقىتتا ول اۋرۋحانانىڭ جانساقتاۋ بولىمشەسىندە جاتىر.