بيىل 120 ءوندىرىس ىسكە قوسىلاتىن بولادى - پرەزيدەنت
بۇگىن استانادا يندۋستريالدى-يننوۆاتسيالىق دامۋ باعدارلاماسىنىڭ 2016-جىلعى I جارتىجىلدىق قورىتىندىسىنا ارنالعان كەڭەستە مەملەكەت باسشىسى نۇرسۇلتان نازاربايەۆ وسىلاي ءمالىم ەتتى.
«ءبىز جاڭا جوبالاردى ىسكە قوسىپ جاتىرمىز. حالىق ەكونوميكانى ءارتاراپتاندىرۋ شارالارىنىڭ جۇزەگە اسىپ جاتقانىنا كۋا بولۋدا. ەندىگى كۇنى باعدارلاماعا تۇزەتۋ ەنگىزىپ، بولاشاققا قادامدى نىقتاۋعا ءتيىسپىز»، - دەدى ن. نازاربايەۆ.
بۇل رەتتە ەلباسى الەمدىك جاعدايعا توقتالا كەلە، ەلىمىزدى الدا قانداي سىناقتار كۇتىپ تۇرعانىن بولجاۋ مۇمكىن ەمەستىگىن اتاپ ءوتتى. «دەگەنمەن، ءبىز كەز كەلگەن توسىن جاعدايدىڭ الدىن الۋ ءۇشىن جۇمىس ىستەگەن ەلمىز. بەس ينستيتۋتسيونالدىق رەفورما بويىنشا «100 ناقتى قادامدى» ورىنداۋدى العا قويدىق. ەكونوميكاعا قوسىمشا سەرپىن بەرەتىن «نۇرلى جول» ينفراقۇرىلىمدىق دامۋ باعدارلاماسىن ىسكە اسىرىپ جاتىرمىز. كەلەشەكتە وسىنىڭ بارلىعى حالىقتىڭ ءال- اۋقاتىن جاقسارتۋعا، ءومىر ساپاسىن كوتەرۋگە، باسەكەگە قابىلەتتى بولۋعا جۇمىس ىستەيتىن بولادى»، - دەدى ەلباسى.
اۆتور: قانات مامەتقازى ۇلى