عالامشاردىڭ ەڭ ەگدە ادامى 120 جاستاعى استراحاندىق ءتانزيلا بيسەمبايەۆا اتاندى
ول 1896 -جىلى تۋىلعان، ءۇش ۇلى، ون نەمەرەسى، 24 شوبەرەسى، ەكى شوپشەگى بار، دەپ حابارلادى روسبالت.
العاش رەت ول سوعىس باستالعان تۇستا تۇرمىسقا شىققان. جولداسى مايدانعا كەتىپ ورالماعان، بالالارى شەتىنەپ كەتكەن. سوعىس اياقتالعاندا جاسى 49 دا بولعان. كەيىن ەگدە جاستاعى قازاقپەن قايتا تۇرمىس قۇرادى. 53 جاسىندا ءبىرىنشى ۇلىن، ءبىر جىلدان سوڭ ەكىنشىسىن، 57 جاسىندا ءۇشىنشى ۇلىن دۇنيەگە اكەلەدى.
اناسىنىڭ ۇزاق جاساۋ قۇپياسىن سۇراعاندا، بالالارى: «ول اق كوڭىل، مەيىرىمدى جان. ادامداردان تەك جاقسى قاسيەتتى عانا بايقايدى. سالاۋاتتى ءومىر سالتىن ۇستانادى. ءبىر ورنىندا وتىرمايدى. تەمەكى شەكپەيدى، تابيعي ونىمدەردى عانا تۇتىنادى»، - دەپ جاۋاپ بەردى.
اجە ءجۇز جاسقا دەيىن دارىگەردىڭ «الدىن كورمەگەن». ءتىپتى، بالالارىن دا ۇيىندە بوسانعان. ونىڭ كۇتىمىن ۇيىندە كەلىنى جاساپ وتىر.
