وزبەك- قىرعىز شەكاراسىندا 120 مەترلىك جەراستى جولى تابىلدى
بۇل جول ارقىلى سودىرلاردى جانە قارۋدى تاسىمالداۋ جۇزەگە اسىرىلۋى مۇمكىن، دەپ حابارلادى وزبەكستاننىڭ ۇ ق ك مەملەكەتتىك شەكارانى كۇزەتۋ بويىنشا كوميتەتىنىڭ باسپا ءسوز قىزمەتىنەن.
باسپا ءسوز قىزمەتىنىڭ اقپاراتىنشا، انىقتالعان توننەل تۋرالى اقپارات «وزبەكستان» (وزبەكستان) جانە «قىزىل- قيا» (قىرعىزستان) وتكىزۋ بەكەتىندە شەكارا ۆەدومستۆولارى باسشىلارىنىڭ كەزدەسۋىندە ايتىلدى، دەپ جازدى interfax.ru.
«وزبەكستان ازاماتىنىڭ ءۇيى مەن قىرعىزستان رەسپۋبليكاسى ازاماتشاسىنىڭ ءۇيىن بايلانىستىراتىن توننەل تەرەڭدىگى 6 مەتردى، ەنى 60-70 س م، بيىكتىگى 1-1,2 مەتردى، ال ۇزىندىعى 120 مەتردى قۇرايدى»، - دەپ حابارلادى باسپا ءسوز قىزمەتى.
شەكاراشىلاردىڭ اقپاراتىنشا، كونترابانداشىلار وزبەك- قىرعىز شەكاراسىنداعى توننەلدى باعالى زاتتار مەن ادامداردى تاسىمالداۋ ءۇشىن پايدالاندى. «وزبەك- قىرعىز شەكاراسىنداعى كونتراباندالىق شارالاردىڭ وسىنداي ءادىسى العاش رەت تىركەلىپ وتىر»، - دەپ اتاپ ءوتتى باسپا ءسوز قىزمەتىندە.
