وڭتۇستىك قازاقستان اكىمدىگى 120 جاستاعى فاتيما حايرانوۆانى ارنايى قۇتتىقتادى

شىمكەنت. قازاقپارات - 8 -ناۋرىز - ايەلدەردىڭ حالىقارالىق مەرەكەسى قارساڭىندا وبلىس اكىمىنىڭ ءبىرىنشى ورىنباسارى د. ساتىبالدى تولە ءبي اۋدانىندا تۇراتىن 120 جاستاعى حايرانوۆا فاتيما انانى قۇتتىقتاپ، ءوڭىر باسشىسىنىڭ اتىنان سىي- سياپات تارتۋ ەتتى.

ەلىمىزدەگى ەڭ قارت انا كوكسايەك كەڭشارىندا كوپ جىلدار بويى جۇمىسشى بولىپ ەڭبەك ەتىپ، سول جەردەن زەينەتكەرلىككە شىققان. بۇگىندە 15 نەمەرە، 33 شوبەرە، 30 شوپشەك جانە 3 نەمەنە ءسۇيىپ وتىرعان كەيۋانانىڭ ويى انىق، دەنساۋلىعى ءبىر قالىپتى.

سونداي-اق، قارت انامىزدى قۇتتىقتاي كەلگەن اۋدان اكىمى ءا. تۇرعىمبەكوۆ تە ءوز ىستىق لەبىزىن ءبىلدىرىپ، اجەگە باعالى سىيلىعىن تابىس ەتتى، دەپ حابارلايدى otyrar.kz.