استانادا «ابۋ دابي پلازا» كەشەنىندەگى ءورت سالدارىنان 120 جۇمىسشى قاۋىپسىز جەرگە شىعارىلدى - فوتو - كەسكىن
بۇل تۋرالى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ حابارلادى.
«بۇگىن ساعات 4.40 كەزەكشى بولىمگە «Abu Dabi Plaza» كەشەنىندەگى ءورت تۋرالى حابار تۇسكەن. حابارلاما تۇسكەننەن كەيىن 10 مينۋت ىشىندە ءورت ءسوندىرۋ قىزمەتى وقيعا ورنىنا جەتتى. ءتورت جاۋىنگەرلىك ۋچاسكە قۇرىلدى، ونىڭ ەكەۋى - بۇل 40 ءورت ءسوندىرۋشى عيماراتتىڭ ىشىندە ءتىلسىز جاۋمەن ارپالىسىپ جاتىر. ءورت سوندىرۋشىلەر 120 جۇمىسشىنى قاۋىپسىز جەرگە شىعاردى. جاپا شەككەندەر جوق»، - دەپ حابارلادى ر. يمانقۇلوۆ.
ونىڭ سوزىنە قاراعاندا، جالىنمەن كۇرەسكە بيىك عيماراتتارداعى ءورتتى سوندىرۋگە ارنالعان تەحنيكا تارتىلدى. بارلىعى وتتى اۋىزدىقتاۋعا 78 ءورت ءسوندىرۋشى مەن 27 ءورت ءسوندىرۋ تەحنيكاسى جانە استانا قالالىق ءى ءى د 12 تەحنيكاسى مەن 24 ادامى جۇمىلدىرىلدى. ءورت سوندىرۋشىلەر كەلگەنگە دەيىن 11 قاباتتان 25 قاباتقا دەيىن ورتەنىپ جاتتى. وقيعا ورنىنا ءى ءى م گەنەرال- پولكوۆنيگى ق. قاسىموۆ جانە ءمينيستردىڭ ورىنباسارى ۆ. بوجكو كەلدى»، - دەپ اتاپ ءوتتى ول.
«ساعات 8.25 تە وت اۋىزدىقتالدى. پودەزد جولدارى بولماعاندىقتان جالىنمەن ارپالىسۋ قيىن بولدى. الدىن الا مالىمەت بويىنشا، ءورت گاز باللونداردىڭ جارىلۋىنان شىققان. جالىننىڭ شىعۋ سەبەپتەرى انىقتالىپ جاتىر. نىسانداعى ءورت قاۋىپسىزدىگىن «نيكا ستروي سەرۆيس» ج ش س قامتاماسىز ەتكەن، - دەلىنگەن حابارلامادا.
