پايدالى قازبالاردى انىقتاۋعا 120 ميلليارد تەڭگە جۇمسالادى

استانا. قازاقپارات - سوڭعى 11 جىلدا گەولوگيالىق بارلاۋ جۇمىستارىنا مەملەكەت 3 تريلليون تەڭگە جۇمسادى.  

بۇل تۋرالى  ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ينۆەستيتسيالار جانە دامۋ مينيسترلىگى گەولوگيا جانە جەر قويناۋىن پايدالانۋ كوميتەتىنىڭ ءتوراعاسى بازارباي نۇرابايەۆ ءمالىم ەتتى.

ونىڭ سوزىنە قاراعاندا، بۇگىندە كومىرسۋتەك شيكىزاتى قورىنا مەملەكەتتىك بالانسپەن 4,8 ميلليارد توننا قابىلداندى.

«سونىمەن قاتار، ەگەردە 2003 جانە 2014 - جىلداردى سالىستىرساق، كومىرسۋتەك شيكىزاتى بولىگىندە 22 تريلليون تەڭگە جۇمسالدى. ونىڭ ىشىندە 3 تريلليون تەڭگە گەولوگيالىق بارلاۋ جۇمىستارىندا يگەرىلدى» ، - دەدى ب. نۇرابايەۆ.

سونىمەن بىرگە، 2015-2019 - جىلدارى پايدالى قازبالاردىڭ پەرسپەكتيۆالى ۋچاسكەلەرىن انىقتاۋعا، التىن مەن مىستى ىزدەۋ مەن بارلاۋعا قازاقستان 120 ميلليارد تەڭگە جۇمساماق.

سونداي- اق بيىل قازاقستاندا گەولوگيالىق بارلاۋعا 12,5 ميلليارد تەڭگە باعىتتالادى.

«2015 -جىلى گەولوگيالىق بارلاۋعا 12,5 ميلليارد تەڭگە ءبولىندى. ونىڭ ىشىندە 6 ميلليارد تەڭگە ۇلتتىق قوردان «نۇرلى جول» باعدارلاماسى اياسىندا باعىتتالادى»، - دەدى ب. نۇرابايەۆ.

ونىڭ سوزىنە قاراعاندا، بۇل قارجىنىڭ ءبىر ميلليارد تەڭگەسى «قاز گەولوگياعا»   ءبولىندى. وسى قاراجات كەندى ايماقتاردا بارلاۋ جۇمىستارىنا جۇمسالادى.  

 اۆتور:   رۋسلان عابباسوۆ