تۇڭعىش پرەزيدەنتى كۇنىنە وراي 120 ءتارتىپ ساقشىسى ماراپاتتالدى
قاراعاندى وبلىسىنىڭ ءى ءى د باستىعى پوليتسيا گەنەرال مايورى مەرگەنباي جاپپاروۆ ءوز بايانداماسىندا «تۇڭعىش پرەزيدەنت كۇنى - قازاقستاننىڭ بارلىق جەتىستىكتەرىن كورسەتەتىن جانە بولاشاققا دامۋدى باعىتتايتىن جول» دەپ اتاپ كورسەتتى.
ىشكى ىستەر ءمينيسترىنىڭ بۇيرىعىمەن قاراعاندى وبلىسى بويىنشا 120 پوليتسيا قىزمەتكەرلەرى، ونىڭ ىشىندە 11 قىزمەتكەر ماراپاتتالدى. اتاپ ايتقاندا، قاراعاندى وبلىسى ءى ءى د اكىمشىلىك پوليتسيا باسقارماسىنىڭ اعا ينسپەكتورى ناتاليا سۋنايت پودپولكوۆنيك اتاعىن الدى. سونىمەن قاتار قاراعاندى وبلىسى ءى ءى د باستىعىنىڭ ءبىرىنشى ورىنباسارى ەرلان بولات ۇلى وماربەكوۆ پولكوۆنيك اتاعىن يەلەندى.
تاعى ءۇش ءتارتىپ ساقشىسى ءى ءى م بۇيرىعىمەن «قۇقىق ءتارتىبىن قامتاماسىز ەتۋدە ۇزدىك شىققانى ءۇشىن» مەدالىمەن ماراپاتتالعان. شارا سوڭى قاراعاندى وبلىسى ءى ءى د قىزمەتكەرلەرىمەن ازىرلەنگەن كونسەرتتىك باعدارلامامەن جالعاستى، دەپ حابارلايدى وبلىستىڭ ءى ءى د باسپا ءسوز قىزمەتىنەن.
