10:49, 29 - قاراشا 2014 | GMT +6
مەشىتتە بولعان جارىلىستان قازا تاپقاندار سانى 120 ادامعا جەتتى
استانا. قازاقپارات - نيگەريانىڭ سولتۇستىگىندەگى كانو قالاسىنداعى مەشىتتە بولعان جارىلىستىڭ سالدارىنان قازا تاپقاندار سانى 120 ادامعا جەتتى، ال 270 ادام جاراقات العان.
شەتەلدىك ب ا ق بۇعان دەيىن 92 ادام قازا تاپقان دەپ حابارلاعان بولاتىن.
وقيعا كۋاگەرلەرىنىڭ ايتۋىنشا، جارىلىستى ءۇش بەلگىسىز ادام جاساعان: لاڭكەستەردىڭ ءبىرى قارۋمەن اتسا، قالعان ەكەۋى جارلىعىش زاتتى جارعان. ايتا كەتەرلىگى، بۇل جارىلىستى نيگەريا تەرريتورياسىنداعى لاڭكەستىك توپتاردىڭ ەشقايسىسى مويىنداماي وتىر.
