بيىل «قازاقستان بارىسى» الەمنىڭ 120 ەلىندە كورسەتىلەدى

بۇل تۋرالى جوبانىڭ اۆتورى ارمان شورايەۆ «قازاقستان» تەلەارناسىنداعى «ايتۋعا وڭاي» توك- شوۋىندا حابارلادى.
«وتكەن جىلى دا «قازاقستان بارىسىنىڭ» كورسەتىلىمى شەتەلدەرگە تاراتىلدى. اتاپ ايتقاندا، رەسەيلىك «بوەتس» جانە ەكى گرۋزيندىك ارنالاردا كورسەتىلدى. وسى جىلى ولارعا تۇرىكتىڭ بەلگىلى «TRT Avaz» سپورتتىق تەلەارناسى دا قوسىلدى. وسىلايشا كورسەتىلىم اۋماعىن تاعى 80 ەلگە كوبەيتەمىز. «قازاقستان بارىسىن» بيىل الەمنىڭ 120 ەلىنىڭ كورەرمەندەرى تاماشالاي الاتىن بولادى» ، - دەدى ا. شورايەۆ.
ەسكە سالا كەتەيىك، «قازاقستان بارىسى» تۋرنيرى 2010 - جىلدان بەرى وتكىزىلىپ كەلەدى. «حالىقتىق» دەپ تانىلعان جوبا ەلىمىزدىڭ سپورتتىق ومىرىندە ءوز ورنىن تاپتى.
وتكەن جىلى تۋرنيردىڭ جەڭىمپازى شىعىس قازاقستان وبلىسىنان ايبەك نۇعىماروۆ بولدى. ول اقتىق سىندا قاراعاندىلىق ەرجان شىنكەيەۆتەن باسىم تۇسكەن بولاتىن.