قۇس شارۋاشىلىعىن دامىتۋعا 1200 گە جۋىق گرانت بولىنەدى

ورال. قازاقپارات - باتىس قازاقستان وبلىسىندا قۇس شارۋاشىلىعىن دامىتۋ ماقساتىندا «ەڭبەك بالاپان» جوباسى قولعا الىندى، دەپ حابارلايدى قازاقپارات ءتىلىسى.

ب ق و جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى التاي قۇلقايەۆتىڭ ايتۋىنشا، اتالمىش جوبا تابىسى از، جۇمىسسىز ازاماتتاردى كاسىپكەرلىككە تارتۋدى كوزدەيدى. جوبا قولدانىستاعى «ەڭبەك» مەملەكەتتىك باعدارلاماسى اياسىندا قايتارىمسىز گرانتتار بەرۋ تەتىگى نەگىزىندە جۇزەگە اسىرىلماق. بيىل 625,1 ميلليون تەڭگە قاراستىرىلىپ، 1179 گرانت ءبولۋ جوسپارلاندى. ا. قۇلقايەۆتىڭ سوزىنە قاراعاندا، جوبا 11 ماۋسىمدا شىڭعىرلاۋ اۋدانىنان باستالاتىن بولادى.

وبلىس ورتالىعىنان «زەلەنىي لۋك» ج ش س شىڭعىرلاۋ اۋدانىنا 2 مىڭ باس بىركۇندىك بالاپان اپارادى. ونى اۋدان ورتالىعىنداعى ءبىرىڭعاي وپەراتور «عايني» شارۋا قوجالىعى قابىلداپ الىپ، 13 گرانت الۋشىعا ۇلەستىرەدى. سونداي- اق 18- ماۋسىمدا تاسقالا اۋدانىندا «لۋچ» شق ءبىرىڭعاي وپەراتور رەتىندە 12 گرانت يەسىن بالاپانمەن قامتيدى. ال 30 - ماۋسىمدا جوبا بايتەرەك جانە قاراتوبە اۋداندارىندا (بايتەرەك اۋدانى - وپەراتور «ەvrogold» جك، 15 گرانت الۋشى، 2400 بالاپان، قاراتوبە اۋدانى - وپەراتور «باقىتجان» ش ق، 12 گرانت الۋشى، 2000 باس بالاپان) جالعاسادى.

«قازىرگى تاڭدا كەستە جاسالىپ، اۋداندارعا جانە ورال قالاسىنا بالاپانداردى كەزەڭ- كەزەڭمەن جەتكىزۋ جوسپارلانۋدا. ازىرگە جوبانى وبلىستىڭ سەگىز اۋدانى مەن ورال قالاسىندا جۇزەگە اسىرۋ كوزدەلگەن»، - دەدى ا. قۇلقايەۆ.