سوزاقتا 1200 باس قاراكول قويى بىرىككەن اراب امىرلىكتەرىنە ەكسپورتتالدى
بۇل تۋرالى وڭتۇستىك قازاقستان وبلىسى اكىمدىگىنىڭ باسپا ءسوز قىزمەتى حابارلادى.
سوزاق اۋدانىندا بۇگىنگى تاڭدا مال شارۋاشىلىعىمەن اينالىساتىن شارۋا قوجالىقتارىنىڭ ءبارى ەتتى قوي تۇرلەرىن وسىرۋمەن قارقىندى تۇردە اينالىسۋدا. ال سالا ماماندارى كوزىن تاپسا، قاراكول شارۋاشىلىعىنان كەلەر تابىستىڭ كول-كوسىر بولاتىنىن ايتادى.
وسى باعىتتاعى جۇمىستاردى جانداندىرعان تەرىسكەيلىكتەردىڭ قاراكول مال شارۋاشىلىعىن دامىتۋ جونىندەگى جۇمىستارى ءوز ناتيجەسىن بەرە باستادى. بۇگىندە سوزاق اۋدانىندا ەكى بىردەي شارۋاشىلىق - «قۇمكەنت» جانە «قارا قۇر» وندىرىستىك كووپەراتيۆى قاراكول قويىن وسىرۋمەن اينالىسادى.
جەر جاعدايى جايلى، ءشوبى شۇيگىن وڭتۇستىك وڭىرىندە ەتتى مال شارۋاشىلىعىن وركەندەتۋ - ءتيىمدى سالا. قوي مالىن ءوسىرۋدىڭ جاي-جاپسارىن جاقسى بىلەتىن شارۋالار الداعى ۋاقىتتا مال باسىن كوبەيتە تۇسپەك.
تامىز ايىندا «قارا قۇر» وندىرىستىك كووپەراتيۆى 1238 باس قاراكول توقتىسىن بىرىككەن اراب امىرلىكتەرىنە ەكسپورتقا شىعارىپ، ءتيىمدى باعادا ساتتى. شەتەلدىكتەردىڭ قوي الۋداعى تالاپتارىنان تولىقتاي شىققان كووپەراتيۆ جەتەكشىسى جىل سوڭىنا دەيىن تاعى دا ءبىرقاتار قاراكول قويىن شەتەلگە ساتۋدى جوسپارلاپ وتىرعانىن ايتادى.