تۇرمە باسشىلىعىنا 1200 جىلعا جازا تاعايىندالۋى مۇمكىن
جاقىن كۇندەرى اتالعان تۇرمەدەگى تارتىپسىزدىكتەر سالدارىنان 49 ادام قازا تاۋىپ، تاعى 12 ادام زارداپ شەككەن بولاتىن.
ايماقتاعى باس پروكۋرور روبەرتو فلورەستىڭ ايتۋى بويىنشا تۇرمەنىڭ بۇرىنعى باسشىسى گرەگوريا سالاسار روبلەس تۇرمەگە قاتىستى سۇراقتار بويىنشا مەملەكەتتىك وكىل رەتىندە تاعايىنداعان حەسۋس فەرناندو دومينگەس پەن ونىڭ ورىنباسارى روبلەس ارتۋرو بەرنال گونسالەس قاماۋعا الىندى. ولار قاساقانا كىسى ولىمىنە قاتىسى جانە ءوز قىزمەتتىك لاۋازىمدارىن اسىرا پايدالاندى دەپ ايىپتالۋدا.
باس پروكۋروردىڭ مالىمەتىنشە ولارعا 12 جىل باس بوستاندىعىنان ايىرۋ جازاسى تاعايىندالۋى مۇمكىن. تەرگەۋ 20-ماۋسىمدا اياقتالادى. سول ۋاقىتقا دەيىن كۇدىكتىلەر قاماۋدا بولادى. «توپو- چيكو» تۇرمەسىندەگى كوتەرىلىس كەزىندە ەكى جاققا بولىنگەن توپ قيان- كەستى ۇرىستى كورسەتكەن. بۇل مەكسيكا تاريحىنداعى سوڭعى ون جىلدا تۇرمەدە بولعان قاندى وقيعا بولىپ وتىر.
www.24.kz
