08:14, 27 - شىلدە 2015 | GMT +5
اپتاپ ىستىقتان 1200 ادام اۋرۋحاناعا ءتۇستى
استانا. قازاقپارات - جاپونيادا اپتاپ ىستىقتان 1200 گە جۋىق ادام اۋرۋحاناعا ءتۇستى، دەپ حابارلايدى 24.kz.
دارىگەرلەردىڭ ايتۋىنشا، 3 ناۋقاس ەس-ءتۇسسىز جاتىر. باسىنا كۇن وتكەندەردىڭ ىشىندە اشىق اسپان استىندا فۋتبول ويناپ جۇرگەن جاس بالالار كوپ. ەلدە كۇن بىرنەشە كۇننەن بەرى شىجىپ تۇر. اۋا تەمپەراتۋراسى 39 گرادۋسقا دەيىن كوتەرىلگەن.
ماماندار تۇرعىندارعا سىرتقا شىقپاي، سالقىنداتقىشتاردى قولدانىپ، ۇنەمى سۋ ءىشىپ جۇرۋگە كەڭەس بەرەدى. وسى كەزدە ەلدىڭ وڭتۇستىگىندە «حالولا» اتتى دولى داۋىل ويران سالۋدا. سينوپتيكتەردىڭ بولجاۋىنشا، جاقىن ارادا ايماقتا سۋ تاسقىنى باستالىپ، كوشكىن ءجۇرۋ قاۋپى تۇر.
