14:32, 29 - مامىر 2015 | GMT +5
بەتپاقدالا ارقىلى سالىنعان 1200 شاقىرىمدىق تەمىر جول قىتاي جاعالاۋىن كاسپي تەڭىزىمەن جالعايدى - ەلباسى
استانا. قازاقپارات - قازاقستان اۋماعىمەن بەتپاقدالا ارقىلى سالىنعان 1200 شاقىرىمدىق تەمىر جول قىتاي جاعالاۋىن كاسپي تەڭىزىمەن جالعايدى.
بۇل تۋرالى مەملەكەت باسشىسى نۇرسۇلتان نازاربايەۆ اقمولا وبلىسىنا قاراستى بۋراباي كەنتىندە ت م د- عا قاتىسۋشى مەملەكەتتەر دەلەگاتسيالارى باسشىلارىمەن كەزدەسۋدە ايتتى.
سونىمەن قاتار مەملەكەت باسشىسى 2020-جىلعا قاراي قازاقستان، رەسەي ارقىلى ەۋروپاعا 200 پويىز وتەتىنىن اتاپ ءوتتى.
«ءبىز قىتايلىق سەرىكتەستەرمەن كەلىسىمگە كەلىپ، تىنىق مۇحيتىنا شىعاتىن سارى تەڭىزدەگى ليانيۋنگان ايلاعىندا ۇلكەن تەرمينال سالدىق. اعىمداعى جىلدىڭ وزىندە كونتەينەرلىك جيىرما پويىز وتكىزدىك. 2020-جىلعا قاراي قازاقستان، رەسەي ارقىلى ەۋروپاعا 200 پويىز وتەتىن بولادى»، - دەدى ق ر پرەزيدەنتى.
