استانادا بوس ورىندار جارمەڭكەسىندە 1200 ادام جۇمىسقا ورنالاستىرىلدى

استانا. قازاقپارات - جىل باسىنان بەرى ەلوردادا تىركەلگەن جۇمىسسىزدار سانى 1,5 ەسەگە ازايدى، ال اعىمداعى ايدا 2939 ادامدى قۇرادى. سالىستىرىپ كورەيىك، وتكەن جىلدىڭ سايكەس مەرزىمىندە بۇل كورسەتكىش 4567 بولعان.
None
None

بۇل تۋرالى astana.kz سايتىنا استانا قالاسىنىڭ ەكونوميكا جانە بيۋدجەتتىك جوسپارلاۋ باسقارماسىنان حابارلادى.

سونىمەن قاتار، جۇمىسپەن قامتۋ قىزمەتىنە 4811 ازامات جۇگىنگەن، سونىڭ ىشىندە 1181- ءى ەڭبەكپەن قامتىلسا، 993- ى قوعامدىق جۇمىستارعا قاتىسادى.

جۇمىسپەن قامتۋ جانە الەۋمەتتىك باعدارلامالار باسقارماسى ەلوردا تۇرعىندارىن جۇمىسقا ورنالاستىرۋ ماقساتىندا بوس ورىندار جارمەڭكەسىن تۇراقتى وتكىزەدى. جىل باسىنان بەرى قالادا وسىنداي 4 شارا وتكىزىلدى. سونىڭ ىشىندە مۇمكىندىگى شەكتەۋلى جاندارعا ارنالعان جارمەڭكە دە ۇيىمداستىرىلدى. مەكەمەنىڭ مالىمەتتەرىنە سايكەس، شاراعا قاتىسقان 3500 استام ادامنىڭ 1200-ءى جۇمىسقا ورنالاستىرىلدى.

بوس ورىندار جارمەڭكەسى جۇمىس ىزدەۋگە كومەكتەسەدى، وندا ءار ادام لايىقتى جۇمىس ورنىن تابۋ ءۇشىن جۇمىس بەرۋشىلەرمەن تىكەلەي اڭگىمەلەسەدى، جۇمىس شارتتارىمەن جانە قويىلاتىن تالاپتارمەن تانىسادى.

 بۇدان باسقا، جۇمىس ىزدەۋشىلەر zhasmaman.kz ينتەرنەت سايتىندا ەلەكتروندى ەڭبەك بيرجاسىندا بوس ورىندارمەن تانىسىپ، تۇيىندەمەلەرىن قالدىرا الادى. سايتتاعى مالىمەتتەردى 100 مىڭنان استام ادام قولدانعان.

سوڭعى جاڭالىقتار