گۆاتەمالادا بۇرىنعى ديكتاتورلىق رەجىمنىڭ ەكى ساربازى 120 جانە 240 جىلعا باس بوستاندىعىنان ايىرىلدى
سوتتالۋشىلار ءۇندىس ايەلدەردى زاڭسىز تاماق ازىرلەۋگە جانە ەلدىڭ سولتۇستىگىندەگى اسكەري بازانى جيناۋعا ماجبۇرلەگەن. وندا ولارعا ساربازدار زورلىق كورسەتكەن.
ەكس-اسكەريلەرگە جاپا شەككەندەردىڭ كەيبىرەۋلەرىنىڭ كۇيەۋلەرىن ءولتىردى دەگەن ايىپ تاعىلدى. جەرگىلىكتى ب ا ق حابارلاعانداي، سوت زالىندا زورلىقتان جاپا شەككەن 11 ايەل قاتىستى.
رەكوردتىق ۇزاق تۇرمەگە قاماۋ سيمۆولدىققا اينالدى، ويتكەنى ەل زاڭى بويىنشا ماكسيمالدى تۇرمەگە قاماۋ مەرزىمى 50 جىلدى قۇرايدى.
2013-جىلدىڭ مامىرىندا گۆاتەمالانىڭ بۇرىنعى پرەزيدەنتى حوسە ەفراين ريوس مونتت 1980-جىلداردا 1700 ءۇندىستى ءولتىرۋ ءىسى بويىنشا 80 جىلعا سوتتالدى.
الايدا، 2 جىلدان كەيىن 89 جاستاعى ەكس-ديكتاتور اقىل-ەسى اۋىسقان دەگەن انىقتامامەن سوتقا قاتىسپادى.
