ش ق و-دا جاڭا وقۋ جىلىندا 120 وقۋشى 14 مۇعالىمنەن كوروناۆيرۋس انىقتالدى
بيىلعى وقۋ جىلىنىڭ ءداستۇرلى فورماتتا باستالعانى بەلگىلى. ەپيدەميولوگيالىق جاعدايعا بايلانىستى ءوڭىر مەكتەپتەرىندە سانيتارلىق نورمالار قاتاڭ ساقتالعان. الايدا سوعان قاراماستان ءبىلىم بەرۋ مەكەمەلەرىندە قاۋىپتى دەرتكە شالدىققاندار انىقتالىپ جاتىر.
ش ق و سانيتارلىق-ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قىركۇيەك ايىنىڭ باسىنان بەرى 120 وقۋشى مەن 14 مۇعالىم كوروناۆيرۋسقا شالدىققان.
«قازىرگى ۋاقىتتا 36 مەكتەپتەگى 67-سىنىپ قاشىقتان وقىتۋ فورماتىنا اۋىستىرىلدى. كارانتينگە جابىلعان مەكتەپ جوق»، - دەپ حابارلادى ۆەدومستۆو وكىلدەرى.
ايتا كەتەيىك، 2021-2022 وقۋ جىلىندا شىعىس قازاقستان وبلىسىندا 20 مىڭنان استام بالا مەكتەپ تابالدىرىعىن العاش اتتاعان. جالپى ايماق مەكتەپتەرىندە 200 مىڭعا جۋىق وقۋشى ءبىلىم الىپ جاتىر.
اۆتور: تالعاتجان مۇحامەتبەك ۇلى
