استانادا ەكى كۇندە بۇرىن-سوڭدى جاسالعان 12 قىلمىس اشىلىپ، ىزدەۋدەگى 9 قىلمىسكەر ۇستالدى

None
None
استانا. قازاقپارات - ەكى كۇنگە سوزىلعان «قۇقىقتىق ءتارتىپ» جەدەل الدىن الۋ شاراسى كەزىندە استانالىق ءى ءى د قىزمەتكەرلەرى بۇرىن- سوڭدى جاسالعان 12 قىلمىستى اشتى. ىزدەۋدە جۇرگەن 9 قىلمىسكەر ۇستالدى، دەپ حابارلايدى استانا قالالىق ءى ءى د باسپا ءسوز قىزمەتىنەن.

سونداي-اق قازاقستان رەسپۋبليكاسىنا كەلۋ ەرەجەسىن بۇزعانى ءۇشىن 105 شەتەل ازاماتى قۇرىقتالىپ، ونىڭ 34 ى استانا قالاسىنىڭ ءى ءى د قابىلداپ- تاراتۋ ورنىنا ورنالاستىرىلدى.

استانا قالاسىنىڭ ءى ءى د اكىمشىلىك پوليتسيا باسقارماسىنىڭ پوليتسيا پولكوۆنيگى يگور گوربۋنوۆتىڭ ايتۋىنشا، ەلوردالىق پوليتسەيلەر 2 مىڭنان استام اكىمشىلىك قۇقىق بۇزۋشىلىقتى انىقتادى، ونىڭ ىشىندە 800 دەن استام فاكتى قوعامدىق ورىنداردا الكوگولدى ىشىمدىكتى ءىشۋ، 203 ى اباتتاندىرۋ ەرەجەسىن بۇزۋ، 177 ى فاكتى ازاماتتاردىڭ ۇساق بۇزاقىلىق جاساۋى بولسا، 67 ءجاسوسپىرىم تۇنگى ۋاقىتتا ۇيلەرىنەن تىس ورىنداردا زاڭدى وكىلدەرىنسىز تابىلعان.

18 - ناۋرىزعا قاراعان ءتۇنى بەيتانىس ازاماتتار «مەرسەدەس» كولىگىن ءۇي اۋلاسىنان ايداپ كەتىپ، جابىرلەنۋشىگە 650 مىڭ تەڭگە كولەمىندە ماتەريالدىق زالال كەلتىردى.

ءدال سول كۇنى جەدەل الدىن الۋ شاراسىنىڭ بارىسىندا جول-پاترۋلدىك جانە كريمينالدى پوليتسيا قىزمەتكەرلەرى ەكى كۇدىكتىنى قۇرىقتادى. ۇرلانعان اۆتوكولىك يەسىنە قايتارىلدى. اتالمىش فاكتى بويىنشا تەرگەۋ امالدارى جۇرگىزىلۋدە.

جول قوزعالىسىن باقىلاۋ بارىسىندا جول-پاترۋلدىك پوليتسيا قىزمەتكەرلەرى 300 جىلدامدىق رەجىمىنىڭ بۇزىشىلىعىنا توسقاۋىل قويسا، 276 جۇرگىزۋشى كولىكتى قاۋىپسىزدىك بەلبەۋىن تاقپاي باسقارعانى ءۇشىن، 185 ى ۇيالى تەلەفونمەن سويلەسكەنى ءۇشىن، 16 جۇرگىزۋشى كولىكتى الكوگولدىك ىشىمدىك ىشكەن كۇيدە باسقارعانى ءۇشىن قۇرىقتالعانى جونىندە ايتتى.

ەستەرىڭىزگە سالساق، «قۇقىقتىق ءتارتىپ» جەدەل الدىن الۋ ءىس-شاراسى قوعامدىق ورىندار مەن كوشەلەردەگى قۇقىق بۇزۋشىلىقتاردىڭ جولىن كەسۋ جانە ەلوردادا ءتيىستى قۇقىقتىق ءتارتىپتى قامتاماسىز ەتۋ ماقساتىندا 17-19 - ناۋرىز ارالىعىندا ناۋرىز مەيرامى قارساڭىندا جۇرگىزىلدى.

سوڭعى جاڭالىقتار