قاسكەلەڭدە ەكى جىگىت بانكوماتتى توناپ، 12,8 ميلليون تەڭگەنى الىپ كەتكەن - ۆيدەو

استانا. قازاقپارات - الماتى وبلىسىنىڭ پوليتسەيلەرى بانكوماتتى توناعان كۇدىكتىلەردى قولعا ءتۇسىردى، دەپ حابارلايدى قازاقپارات پوليتسياعا سىلتەمە جاساپ.

14-تامىز ساعات 13:42-دە قاراساي اۋدانىنىڭ پوليتسياسىنا 35 جاستاعى ا. ەسىمدى ازاماتشا حابارلاسقان.

ول ساعات 08:00 شاماسىندا المالىباق اۋىلىندا ورنالاسقان بانكوماتتان كىلتتى تاڭداۋ ارقىلى بەلگىسىز ادامدار مەديتسينالىق ماسكامەن 12 ميلليون 882 مىڭ تەڭگە كولەمىندە اقشا ۇرلاعانىن جەتكىزدى.

ءىس ق ر ق ك 188-بابى 4-بولىگى بويىنشا اۋداندىق پوليتسيادا تىركەلدى.

ا. ەسىمدى ەكى كۇدىكتى ۇستالدى.

ولار 1998 جانە 1999 -جىلى تۋعان قاسكەلەڭ قالاسىنىڭ تۇرعىندارى بولىپ شىقتى.

ازاماتتار يزولياتورعا قاماققا الىندى.

تەرگەۋ بارىسىندا ۇرلانعان اقشا تۇرىندەگى زاتتاي دالەلدەمە الىنىپ، ءىس ماتەريالدارىنا قوسا تىركەلدى.

قازىرگى ۋاقىتتا ساراپتاما تاعايىندالىپ، قاجەتتى تەرگەۋ امالدارى ءجۇرىپ جاتىر.

كۇدىكتىلەردىڭ باسقا دا وسىنداي قىلمىستارعا قاتىسى بار-جوعى تەكسەرىلۋدە.