قازاقستاندىقتاردىڭ زەينەتاقى جيناعى 12,8 تريلليون تەڭگەگە جەتتى
2021 -جىلدىڭ 1 - تامىزىنداعى جاعداي بويىنشا ءبىرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 12,8 تريلليون تەڭگە زەينەتاقى جيناقتارى قالىپتاستى. سوما 759 ميللياردتان اسا تەڭگەگە نەمەسە % 6 ءوستى.
زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى (م ز ج) بويىنشا قالىپتاستى، ونىڭ مولشەرى 12,5 تريلليون تەڭگە. مىندەتتى كاسىپتىك زەينەتاقى جارنالارى (م ك ز ج) بويىنشا زەينەتاقى جيناقتارىنىڭ سوماسى 335,7 ميلليارد تەڭگە، ال ەرىكتى زەينەتاقى جارنالارى (ە ز ج) بويىنشا زەينەتاقى جيناقتارىنىڭ سوماسى 1,6 ميلليارد تەڭگەگە جەتتى. 1 -تامىزداعى جاعداي بويىنشا ب ج ز ق- دا 11,6 ميلليون جەكە زەينەتاقى شوتى بار. شوتتىڭ ەڭ كوبى مىندەتتى زەينەتاقى جارنالارى (م ز ج) بويىنشا اشىلدى، ولاردىڭ سانى - 10,9 ميلليون ودان ءارى م ك ز ج ەسەبىنەن قالىپتاسقان شوتتار - 529 مىڭ، ب ج ز ق- داعى ە ز ج ەسەبىنەن قالىپتاسقان شوتتار سانى قازىر 49,6 مىڭ.
2021 -جىلدىڭ جەتى ايىندا ج ز ش- عا تۇسكەن جارنالار كولەمى وتكەن جىلدىڭ سايكەس كەزەڭىندەگى كورسەتكىشتەن % 23 اسىپ، شامامەن 741 ميلليارد تەڭگەگە جەتتى. باسىم بولىگىن - 708,7 ميلليارد تەڭگە نەمەسە % 95,7 – م ز ج بويىنشا اۋدارىمدار قۇرايدى. ب ج ز ق تولەمدەرى جىل باسىنان بەرى 1,8 تريلليون تەڭگەدەن استى. جالپى سومانىڭ شامامەن 1,7 تريلليون تەڭگەسى ءبىرجولعى زەينەتاقى تولەمدەرى (ب ز ت) تۇرىندە تۇرعىن ءۇي جاعدايىن جاقسارتۋ جانە ەمدەلۋ ءۇشىن تولەندى.
بۇل رەتتە تۇرعىن ءۇي جاعدايىن جاقسارتۋعا ورتاشا تولەم 4,4 ميلليون تەڭگەنى، ەمدەلۋگە ورتاشا تولەم - 0,9 ميلليون تەڭگەنى قۇرادى. زەينەت جاسىنا تولۋ بويىنشا تولەمدەر 54,7 ميلليارد تەڭگەدەن استى. كەستە بويىنشا اي سايىنعى ورتاشا تولەم سوماسى (زەينەتكەرلىك جاسقا تولۋىنا بايلانىستى) 28,6 مىڭ تەڭگەنى قۇرادى، جاسىنا بايلانىستى اي سايىنعى ەڭ جوعارى تولەم 673,6 مىڭ تەڭگە.
اۆتور: الما مۇقانوۆا
