10:39, 03 - ءساۋىر 2017 | GMT +5
ماۋ زىدۇڭ پورترەتى $12,7 ميلليونعا ساتىلدى
استانا. قازاقپارات - ەندي ۋورحول سالعان بۇرىنعى ق ح ر ءتوراعاسى ماۋ زىدۇڭ پورترەتى Sotheby's اۋكتسيونىندا 98,5 ميلليون شياڭگاڭ دوللارىنا ساتىلدى (12,69 ميلليون ا ق ش دوللارى)، دەپ حابارلاندى اۋكتسيون ءۇيىنىڭ سايتىندا.
العاشىندا اۋكتسيون ۇيىمداستىرۋشىلارى پورترەت ءۇشىن 11,6-15,5 ميلليون ا ق ش دوللارىن الۋدى جوسپارلاعان.
پورترەت 1973-جىلى سالىنعان. كەنەپتىڭ ولشەمى 127 جانە 106,6 سانتيمەتر. ونى اكريل بوياۋىمەن جانە كەنەپكە جىبەك باسپا ءادىسىن قولدانۋ ارقىلى ازىرلەگەن، دەپ جازدى ر ي ا نوۆوستي.
