ا ق ش- تا 12 قاباتتى ءۇيدىڭ قۇلاۋى سالدارىنان قازا تاپقاندار سانى 54 كە جەتتى

نيۋ-يورك. قازاقپارات - قۇتقارۋشىلار مايامي ماڭىنداعى (فلوريدا شتاتى) سۋرفسايد قالاسىندا قۇلاعان ءۇيدىڭ ۇيىندىلەرى استىنان تاعى سەگىز ادامنىڭ ءمايىتىن الىپ شىقتى.

اپات سالدارىنان قازا تاپقانداردىڭ سانى 54 كە جەتتى، دەپ حابارلايدى قازاقپارات.

بۇل تۋرالى سارسەنبىدە جۋرناليستەرمەن بولعان بريفينگ بارىسىندا مايامي-دەيد گۋبەرناتورى دانيەل-ليەۆين كاۆا ءمالىم ەتتى.

ترانسلياتسيا وكرۋگتىڭ Facebook پاراقشاسى ارقىلى جۇرگىزىلدى.

«كۇندىز قۇتقارۋشىلار تاعى سەگىز ادامدى ۇيىندىدەن شىعارىپ الدى، - دەدى ول. - وسىلايشا قۇرباندار سانى قازىر 54 كە جەتتى».

كاۆانىڭ ايتۋىنشا، 86 ادامنىڭ تاعدىرى ءالى بەلگىسىز. سۋرفسايدتاعى كوپ قاباتتى تۇرعىن ءۇي 24- ماۋسىمعا قاراعان ءتۇنى قۇلادى. ءبىرىنشى كۇنى عيماراتتىڭ ۇيىندىلەرىنەن 37 ادام شىعارىلدى، ءبىراق سودان كەيىن ءتىرى قالعاندار تابىلمادى.