ون ايدا بيۋدجەتكە 12,4 تريلليون تەڭگە كىرىس تۇسكەن

«مەملەكەت بيۋدجەتىنە ترانسفەرتتەردى ەسەپكە الماعاندا 12 تريلليون 427 ميلليارد تەڭگە سوماسىندا كىرىس ءتۇستى نەمەسە جوسپار (11933 ميلليارد تەڭگە) % 104,1 ورىندالدى.

رەسپۋبليكا بيۋدجەتىنە 8,4 تريلليون تەڭگە شاماسىندا كىرىس (ترانسفەرتتەردى ەسەپكە الماعاندا) ءتۇستى نەمەسە جوسپار % 102,2 ورىندالدى.

كىرىستەر بويىنشا جوسپار 179 ميلليارد تەڭگەگە ارتىعىمەن ورىندالدى، ونىڭ ىشىندە سالىقتار - 89 ميلليارد تەڭگەگە، سالىقتىق ەمەس كىرىستەر - 90 ميلليارد تەڭگەگە اسىرا ورىندالدى»، - دەدى مينيستر.

سونداي- اق ول سالىقتار بويىنشا اسىرا ورىنداۋدىڭ نەگىزگى سوماسى قوسىلعان قۇن سالىعىنا تيەسىلى ەكەنىن اتاپ ءوتتى.

ونىڭ باستى فاكتورلارى:

- وتكەن جىلدىڭ وسىنداي كەزەڭىمەن سالىستىرعاندا تاۋارلاردى، جۇمىستاردى جانە قىزمەتتەردى وتكىزۋ بويىنشا اينالىمداردىڭ % 26 ۇلعايۋى؛

- قوسىلعان قۇن سالىعىن قايتارۋ سوماسىنىڭ % 19 تومەندەۋى؛

- ءۇشىنشى ەلدەردەن يمپورت كولەمىنىڭ % 29 ۇلعايۋى.

«يمپورتتىق كەدەن باجى، كورپوراتيۆتىك تابىس سالىعى جانە شيكى مۇنايعا سالىناتىن ەكسپورتتىق كەدەن باجى بويىنشا جوسپار ورىندالمادى»، - دەدى ەرۇلان جاماۋبايەۆ.

اۆتور

ەسىمجان ناقتىباي