بۇگىن 12 ايماقتا 42 گرادۋسقا دەيىن ىستىق بولادى
اتموسفەرالىق فرونتالدى بولىمدەردىڭ وتۋىمەن ق ر باتىسىندا، سولتۇستىگىندە، وڭتۇستىك-شىعىسىندا اۋا رايىنىڭ تۇراقسىز سيپاتى ساقتالادى، نايزاعاي ويناپ، جاڭبىر جاۋادى. تەك وڭتۇستىكتە، شىعىستا، ەلدىڭ ورتالىعىندا جاۋىن-شاشىنسىز اۋا-رايى كۇتىلەدى. رەسپۋبليكا بويىنشا جەل كۇشەيەدى، تۇندە سولتۇستىك-باتىستا تۇمان بولادى.
«كۇندىز الماتى، جامبىل، قىزىلوردا، تۇركىستان وبلىستارىندا جەتىسۋ، اباي، ۇلىتاۋ، ماڭعىستاۋ، قاراعاندى، اقتوبە، اتىراۋ، شىعىس قازاقستان وبلىستارىنىڭ وڭتۇستىگىندە 35-42 گرادۋس قاتتى ىستىق كۇتىلەدى.
كۇندىز الماتى وبلىسىنىڭ سولتۇستىگىندە، ورتالىعىندا وتە قاتتى ىستىق – 42 گرادۋس، تۇركىستان وبلىسىنىڭ باتىسىندا وتە قاتتى ىستىق، ءشولدى اۋداندارىندا 45 گرادۋس، ۇلىتاۋ وبلىسىنىڭ وڭتۇستىگىندە، جەتىسۋ وبلىسىنىڭ وڭتۇستىگىندە، ورتالىعىندا 40-42 گرادۋس ساقتالادى.
الماتى، تۇركىستان، جامبىل، شىعىس قازاقستان، قاراعاندى، ماڭعىستاۋ، وبلىستارىندا، ۇلىتاۋ، جەتىسۋ، اباي وبلىستارىندا، ورتالىعىندا، شىعىسىندا قىزىلوردا، باتىسىندا، وڭتۇستىگىندە پاۆلودار، وڭتۇستىگىندە اقتوبە، باتىسىندا، سولتۇستىگىندە اتىراۋ، وڭتۇستىگىندە، باتىسىندا اقمولا وبلىستارىندا توتەنشە ءورت قاۋپى بار»، - دەپ جازدى سينوپتيكتەر.
سولتۇستىك قازاقستان، اقمولا، اتىراۋ، قوستانايدىڭ وڭتۇستىگىندە، ماڭعىستاۋ وبلىستارىنىڭ باتىسىندا، سولتۇستىك-شىعىسىندا جوعارى ءورت قاۋپى ساقتالادى، باتىس قازاقستان وبلىسىندا ءورت قاۋپى جوعارى بولادى دەپ كۇتىلەدى.
