ايىنا 12 مىڭ دوللاردان جالاقى تولەنەتىن جۇمىسقا 3 ادام ىزدەستىرىلىپ جاتىر

استانا. قازاقپارات - بۇل كۇندەرى جوعارعى وقۋ ورنىن ءبىتىرىپ، ەڭبەك جولىن ەندى باستاپ جاتقان جاستاردىڭ ەڭبەك شارتتارى مەن جالاقىسى كوڭىلدەن شىعاتىن جۇمىسقا قول ىلىكتىرىپ كەتۋى قيىن.

ال ا ق ش- تاعى World of Beer مەيرامحاناسى جاستارعا تىڭ مۇمكىندىكتى ۇسىنىپ وتىر. فلوريدا شتاتىندا ورنالاسقان بۇل مەيرامحانا ۇسىنعان جۇمىسقا 3 ادام كەرەك.

باستى شارتتارى: ۇمىتكەرلەر جەر جۇزىندەگى الۋان ءتۇرلى سىرا فەستيۆالدارىنا قاتىسىپ، وسى ىشىمدىكتى شەكسىز مولشەردە ىشۋگە دايىن بولۋى ءتيىس.

ولاردىڭ وسى جۇمىستى اتقارۋ كەزىندەگى بارلىق دەرلىك شىعىندارى (قوناق ۇيدە تۇرۋ، تاماق، جول) مەيرامحانا ەسەبىنەن وتەلىپ، ءارقايسىسىنا 12 مىڭ دوللاردان جالاقى تولەنەدى.

ال ەڭ باستىسى - ۇمىتكەردىڭ مىندەتتى تۇردە ا ق ش ازاماتى بولۋى شارت. «ەگەر ءسىز فوتوگراف نەمەسە قالامگەر، الەۋمەتتىك جەلىنى شارلاۋشى نەمەسە سىرا تۋرالى بلوگتاردىڭ «سۇڭگۋىرى» بولساڭىز، وندا بىزگە جۇمىسقا كەلىڭىز.

سونداي-اق حيكايا ىزدەۋشىلەر مەن بايانداعىشتار، سىراقۇمارلار مەن اس ازىرلەۋ شەبەرلەرى، بۇل جۇمىس -  سىزدەر ءۇشىن. تەك الەمدى ارالاپ، سىرا ءىشىپ، بۇل تۋرالى جەر-جاھانعا قىزىقتى ەتىپ بايانداساڭىز بولعانى»، دەلىنگەن World of Beer سايتىندا.

www.24.kz