اۆتوبۋستا 12 جاستاعى قىزعا تيىسكەن ەر ادام 1 ميلليون تەڭگە مورالدىق وتەماقى تولەيدى
ايتا كەتەيىك، بۇل جاعداي بيىل مامىر ايىندا نۇر- سۇلتان قالاسىندا بولعان. ەلوردا تۇرعىنى پوليسيا قىزمەتكەرلەرىنە اۆتوبۋستا بەلگىسىز ەر ادام ونىڭ 12 جاستاعى قىزىنا تيىسكەنى تۋرالى شاعىم تۇسىرگەن بولاتىن . كۇدىكتى قوعامدىق كولىكتە قىزدىڭ جامباسىنان سيپاعان. ول بۇل ارەكەتىن بىرنەشە رەت قايتالاپ، وقۋشى قىز اناسىنا ۆيدەوقوڭىراۋ شالعان ساتتە عانا توقتاتقان. قىزدىڭ اناسى ورىن العان وقيعا جايىندا پوليسياعا شاعىم ءتۇسىرىپ، كۇدىكتى ۇستالعان ەدى. ول جولى ەر ادام اكىمشىلىك كودەكستىڭ «ۇساق بۇزاقىلىق» بابى بويىنشا 10 تاۋلىككە قاماۋعا الىنعان. كەيىن زارداپ شەككەن قىزدىڭ اناسى كەلتىرىلگەن مورالدىق زياندى وتەۋ بويىنشا سوتقا جۇگىنگەن.
«كامەلەتكە تولماعان جاۋاپ بەرۋشى ب. زاڭسىز ارەكەتى سالدارىنان مورالدىق زارداپ شەككەن. سوت قىزدىڭ اناسىنىڭ ارىزىن قاراپ، ايىپتالۋشىدان 1000000 تەڭگە مورالدىق وتەماقى ءوندىرىپ الۋ شەشىمىن ماقۇلدادى»، - دەلىنگەن سارىارقا اۋداندىق سوتى شىعارعان شەشىمدە. سوت شەشىمى ءالى زاڭدى كۇشىنە ەنگەن جوق.
