اقمولا وبلىسىندا قوپا كولىن تازارتۋعا 12,1 ميلليارد تەڭگە باعىتتالماق

كوكشەتاۋ. قازاقپارات - كەلەر جىلى كوكشەتاۋدىڭ ىرگەسىندەگى قوپا كولىن تازارتۋ جۇمىستارى باستالادى.
None
None

بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ ءمالىم ەتتى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، بۇگىنگى تاڭدا قوپا كولىن تازارتۋ بويىنشا جوبالاۋ- سمەتالىق قۇجاتتاما ازىرلەنۋدە.

«جوبا مەملەكەتتىك ساراپتامادان وتكەننەن كەيىن وسى جۇمىستارعا بيۋدجەت قاراجاتىن بولۋگە بيۋدجەتتىك ءوتىنىم بەرىلەتىن بولادى. جوبانىڭ قۇنى 12,1 ميلليارد تەڭگەگە باعالانىپ وتىر. بۇل شارالار «جاسىل قازاقستان» ۇلتتىق جوباسىنا ەنگىزىلگەن. ەگەر جىل سوڭىنا دەيىن جوبالاۋ- سمەتالىق قۇجاتتاما دايىن بولسا، وندا 2023 -جىلدان باستاپ قوپا كولىن تازارتۋ جۇمىستارى باستالادى»، - دەدى كوكشەتاۋدا جۋرناليستەرمەن وتكەن بريفينگىدە ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ. مينيستر اتاپ وتكەندەي، قوپا كولىنەن بولەك، اقمولا وبلىسىندا بۋراباي، شۋچە كولدەرىن تازارتۋ جوسپارلانىپ وتىر. س. برەكەشەۆ سونداي-اق الداعى ءۇش جىلدا ەلىمىزدە 9 جاڭا سۋ قويماسى سالىناتىنىن ايتتى.

اۆتور: اسلان وسپانوۆ

سوڭعى جاڭالىقتار