سوڭعى 12 ساعاتتا تۇركيا مەن قازاقستان اراسىندا 10 اۋەرەيسى قاتىناپ ۇلگەردى
ق ر ي د م ازاماتتىق اۆياتسيا كوميتەتى حابارلاعانىنداي، قازاقستاندىق اۋەكومپانيالار ءوز جۇمىستارىن شتاتتىق رەجيمدە جۇرگىزۋدە. تۇرىك اۋەجەتكىزۋشىلەرى بويىنشا اقپاراتتى الدىن الا انىقتاپ العان ءجون، سەبەبى رەيستىڭ كەشىكتىرىلۋى مۇمكىن.
«ۇشىرىلدى» دەگەن ستاتۋسپەن بۇگىن، 17- شىلدەدە الماتىدان ستامبۇلعا 05:05، 06:15، 06:45 جانە 10:00، انتالياعا - 09:40 ۋاقىتتا تىركەلدى. ستامبۇلدان الماتى اۋەجايىنا ۇشاقتار بۇگىن 04:45، 05:30، 05:50، 06:59، 09:34 ۋاقىتتا كەلىپ قوندى. بۇگىن الماتى اۋەجايىنان ستامبۇلعا 17:55 دە رەيس ورىندالادى دەپ كۇتىلۋدە. ەرتەڭ الماتىدان ستامبۇلعا 06:45 تە، انتالياعا 04:00، 09:40 تا اۋەرەيىستەرى ۇشىرىلماق.
ستامبۇلدان الماتىعا باعىت الاتىن رەيستەر بۇگىن، 17- شىلدەدە 12:10 دە، 18- شىلدەدە - 05:25، 06:05 ساعاتتا ورىن الماق. بۇگىن انتاليادان 21:45 تە، 18- شىلدەدە - 03:05 تە ۇشاق جوسپارلانعان.
استانا اۋەجايىندا بۇگىن 18:20 دا انتاليادان ۇشاق كەلۋى ءتيىس. ەرتەڭ 1:50 ساعاتتا تاعى ءبىر رەيس قونادى. سونىمەن قاتار، استانادان تۇركياعا بۇگىن 19:40 تا، ەرتەڭ تاڭعى ساعات 3:05 تە ەكى رەيس قاتىنايدى دەپ جوسپارلانعان.
اۆتور: جاسۇلان جولدىبايەۆ
