ورال تۇرمەسىندە وتىرعان 11 ادام دەنساۋلىعىنا شاعىم ايتىپ، اۋرۋحاناعا جەتكىزىلدى
ب ق و دەنساۋلىق ساقتاۋ باسقارماسىنىڭ باسپا ءسوز قىزمەتىنەن ءمالىم ەتكەنىندەي، 3- تامىز كۇنى اقتوبە كوشەسى، 291 مەكەنجايىندا ورنالاسقان ر ۋ-28 مەكەمەسىنەن شاقىرتۋ تۇسكەن.
«ساعات 20.33 تە وبلىستىق جەدەل مەديتسينالىق جاردەم ستانتسياسىنىڭ 103 وپەراتورىنا ر ۋ-28 مەكەمەسىنىڭ كەزەكشى قىزمەتكەرىنەن جازاسىن وتەۋشىلەردىڭ دەنساۋلىعىنا قاتىستى شاعىمدانعانى جونىندە حابارلاندى. وقيعا ورنىنا 4 بريگادا بارىپ، 47 جازاسىن وتەۋشىنى قارادى. سونىڭ ىشىندە 26 دان 47 جاسقا دەيىنگى 11 ادام قالالىق كوپبەيىندى اۋرۋحاناعا جەتكىزىلدى. باس سۇيەكتەرى، كەۋدە تۇسى، قابىرعاسى رەنتگەنگە ءتۇسىرىلدى. تراۆماتولوگ پەن نەيروحيرۋرگ قاراپ، كەڭەس بەردى. جاعدايلارى قاناعاتتانارلىق، امبۋلاتورلىق ەم الۋعا ۇسىنىلدى. جازاسىن وتەۋشىلەر ايداۋىلعا بەرىلدى»، - دەپ حابارلادى ۆەدومستۆودان.
ب ق و بويىنشا قىلمىستىق-اتقارۋ جۇيەسى دەپارتامەنتىنىڭ ناقتىلاۋىنشا، قاۋىپسىزدىگى جوعارى 28№ مەكەمەسىندە 3- تامىز كۇنى ساعات 9.00 دەن 13.00 گە دەيىن جالپى ءتىنتۋ جوسپارلى ءىس-شارالارى جۇرگىزىلگەن. وعان دەپارتامەنتتىڭ جەكە قۇرامىمەن بىرگە ۇلتتىق ۇلاننىڭ اسكەري قىزمەتشىلەرى جانە ب ق و پروكۋراتۋراسىنىڭ وكىلدەرى قاتىسقان.
«ءتىنتۋ جۇمىستارى اياقتالعاننان كەيىن جازاسىن وتەۋشىلەر تىيىم سالىنعان زاتتاردى تاركىلەۋگە قارسىلىق ءبىلدىرىپ، قايتىپ بەرۋدى تالاپ ەتە باستادى. مەكەمە اكىمشىلىگىنىڭ زاڭدى تالاپتارىنا قۇلاق اسپاعان ولار قىزمەتكەرلەر مەن اسكەري قىزمەتشىلەرگە ايقايلاپ، ءتىل تيگىزۋىن جالعاستىرا بەردى. قۇقىققا قايشى ارەكەتتەردى توقتاتۋ ءۇشىن جازاسىن وتەۋشىلەردىڭ ءبىر بولىگى ءتارتىپ يزولياتورىنا ورنالاستىرىلدى. وقيعا ورنىندا دەپارتامەنت باسشىلىعى مەن پروكۋراتۋرا وكىلدەرى بولدى. اتالعان دەرەك بويىنشا ق ر ق ك 428-بابىنا (قىلمىستىق-اتقارۋ مەكەمەسى اكىمشىلىگىنىڭ زاڭدى تالاپتارىنا باعىنباۋ) سايكەس سوتقا دەيىنگى تەرگەۋ امالدارى باستالىپ، تەكسەرۋ جۇرگىزىلىپ جاتىر. ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس باسقا اقپارات جاريالاۋعا جاتپايدى. وعان قوسا، ب ق و بويىنشا قىلمىستىق-اتقارۋ جۇيەسى دەپارتامەنتى قىزمەتتىك تەكسەرۋدى باستادى»، - دەلىنگەن رەسمي حابارلامادا.
ەسكە سالا كەتەيىك، بۇدان بۇرىن ب ق و- دا «دارمەك» ءىس-شاراسى بارىسىندا 13 مەديتسينا قىزمەتكەرى جاۋاپقا تارتىلعانىن جازعان بولاتىنبىز.
