قىتاي استاناسى بەيجىڭدەگى سۋ تاسقىنىنان 11 ادام قازا تاپتى

بەيجىڭ. قازاقپارات - قىتاي استاناسى بەيجىڭدە «دوكسۋري» سۋپەر تايفۋنى سالدارىنان 29-شىلدەدەن بەرى تولاسسىز جاۋعان جاۋىن-شاشىن تۇرعىنداردى ابىگەرگە سالدى، دەپ حابارلايدى قازاقپارات ءتىلشىسى.
None

شينحۋا اگەنتتىگىنىڭ حابارلاۋىنشا، 1-تامىزداعى جاعداي بويىنشا بەيجىڭدە نوسەر جاڭبىر سالدارىنان بولعان سۋ تاسقىنىنان كەمىندە 11 ادام قازا تاۋىپ، 27 ادام ءىز-ءتۇزسىز جوعالعان.

قۇربان بولعانداردىڭ كوپشىلىگى - قاتتى جاڭبىردان ەڭ كوپ زارداپ شەككەن قالا ماڭىنداعى مەنتۋگۋ اۋدانىنىڭ تۇرعىندارى.

رەسمي اقپاراتقا سايكەس، بەيجىڭدە 44 مىڭنان استام ادام سۋ تاسقىنىنان زارداپ شەكتى، ال 127 مىڭ ادام قاۋىپسىز ايماقتارعا كوشىرىلدى.

قازىر قۇزىرلى ورگاندار سۋ تاسقىنىنان كەلگەن شىعىندى ەسەپتەپ جاتىر.

22 ميلليون حالقى بار قىتاي استاناسى بەيجىڭدە سوڭعى رەت 2012 -جىلى سۋ تاسقىنى بولىپ، 79 ادام قازا تاپقان ەدى.

اۆتور:

مۇحتار مۇرات


سوڭعى جاڭالىقتار