جاڭاوزەندە جارىلىس بولىپ، 11 ادام زارداپ شەكتى

استانا. قازاقپارات - جاڭاوزەندە تۇرعىن ۇيدە جارىلىس بولىپ، 11 ادام زارداپ شەكتى، دەپ حابارلادى ق ر توتەنشە جاعدايلار مينيسترلىگىنىڭ باسپا ءسوز قىزمەتى.

باسپا ءسوز مالىمەتتەرىنە قاراعاندا، وقيعا بۇگىن استانا ۋاقىتىمەن ساعات 5:00-دەر شاماسىندا بولعان.

جاڭاوزەن قالاسىنداعى 2-شاعىناۋداندا ەكى كىرەبەرىستەن تۇراتىن 12 پاتەرلى 2 قاباتتى تۇرعىن ۇيدە گاز جارىلعان. وقيعانىڭ سالدارىنان كىرەبەرىستىڭ 150 شارشى مەترى قيراعان.

ءورت بولعان جوق، (ءۇيدىڭ جالپى اۋدانى 600 ش. م. ). الدىن الا مالىمەت بويىنشا 11 ادام زارداپ شەككەن، ولار مەديتسينا قىزمەتكەرلەرىنە تاپسىرىلدى. بولعان وقيعانىڭ سەبەپ - سالدارى انىقتالۋدا.

«وقيعا ورنىن ارشۋ جۇمىستارىنا ماڭعىستاۋ وبلىسى توتەنشە جاعدايلار دەپارتامەنتىنىڭ 50-دەن استام قۇتقارۋشى، 10 تەحنيكا، جەدەل مەديتسينالىق كومەك جانە جەرگىلىكتى اتقارۋشى ورگانداردىڭ قىزمەتكەرلەرى جۇمىلدىرىلدى»، - دەلىنگەن حابارلامادا.