رامازاندا ازىق-تۇلىك تاراتىلعان جەردەگى قىسىم سالدارىنان 11 ادام قازا تاپتى
پوليتسيا مەن قۇتقارۋشىلاردىڭ ايتۋىنشا، رامازان ايىندا پاكىستاننىڭ وڭتۇستىگىندەگى كاراچي قالاسىنداعى ازىق-تۇلىك تاراتۋ ورتالىعىندا بولعان قىسىم سالدارىنان شامامەن 11 ادام - ايەلدەر مەن بالالار قازا تاپقان.
ال كەيىنگى جۇمادا جۇزدەگەن ادام فابريكا ماڭىندا تاماق الۋ ءۇشىن ءبىر-ءبىرىن يتەرە باستاعان كەزدە جاراقات العان. پوليتسيا وكىلى مۋگيس حاشميدىڭ ايتۋىنشا، كەيبىرەۋلەرى جاقىن ماڭداعى كارىز قۇدىعىنا قۇلاعان.
جەرگىلىكتى ب ا ق سەگىز ايەل مەن ءۇش بالا قايتىس بولعانىن حابارلادى.
حاشمي ازىق-تۇلىك تاراتۋ ورتالىعىن ۇيىمداستىرعان زاۋىت يەسى پوليتسياعا جوسپارى تۋرالى ەسكەرتپەگەن. ونىڭ ايتۋىنشا، جەرگىلىكتى پوليتسيا بۇل تۋرالى بىلمەگەن.
باسىلىم مالىمەتىنشە، سىرتقى ىستەر ءمينيسترى بيلاۆال بحۋتتو زارداري بيلىككە وقيعانىڭ سەبەپتەرىن تەرگەۋگە بۇيرىق بەرگەن.
كەيىنگى اپتادان بەرى بۇكىل ەل بويىنشا تەگىن ازىق-تۇلىك تاراتۋ پۋنكتتەرىندەگى قىسىمنان قازا تاپقاندار سانى كەم دەگەندە 21 ادامعا جەتكەن.
اقپارات دەرەككوزى: massaget.kz
