تۇركىستاندا جوعالعان 11 جاسار قىزدىڭ ءمايىتى كانالدان تابىلدى
تۇركىستان وبلىسى توتەنشە جاعدايلار دەپارتامەنتىنىڭ جەدەل-قۇتقارۋ جاساعىنىڭ قۇتقارۋشىلارى وسىندان 5 كۇن بۇرىن تۇركىستان قالاسىندا جوعالعان قىزدىڭ دەنەسىن تاپتى. وقيعا ورنىنان 11 شاقىرىم جەردەن ءمايىتتى سۋدان الىپ شىقتى.
«ىزدەستىرۋ قۇتقارۋ جۇمىستارىنا تۇركىستان وبلىسى توتەنشە جاعدايلار دەپارتامەنتىنىڭ 112 جەكە قۇرامى، 1 كۆادروكوپتەر، 7 تەحنيكاسى جانە جەدەل قۇتقارۋ جاساعىنىڭ 5 سۇڭگۋىرى، 2 ءجۇزۋ قايىعى، 1 تەحنيكاسى جۇمىلدىرىلدى. پوليتسيا دەپارتامەنتىنەن 20 ادام، 4 تەحنيكا، جەرگىلىكتى اتقارۋشى ورگاننان 2 ادام، 1 تەحنيكا كومەككە كەلدى»، دەلىنگەن تۇركىستان وبلىسى توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان حابارلامادا.
ەسكە سالا كەتەيىك، 25-ناۋرىز كۇنى شامامەن ساعات 17:00 شاماسىندا كامەلەت جاسقا تولماعان قىز بالا ۇيىنەن ويناۋعا شىعىپ كەتىپ، قايتا ورالماعان بولاتىن.
كەيىننەن بىرگە ويناعان قۇربىسى تۇركىستاندا جوعالىپ كەتكەن 11 جاسار قىزدىڭ كانالعا قۇلاپ كەتكەنىن ايتقان.
اۆتور
قايرات زاينيشەۆ
