اقتوبەدەگى تاس جولدا 11 كولىك سوعىلىپ قالدى
اقتوبە وبلىسىندا قازىر بىرنەشە باعىتتا جول جابىلدى. ولار سامارا - شىمكەنت تاسجولىنىڭ مارجانبۇلاق اۋىلىنان بقو اۋماعىنا دەيىن، بەكقۇل بابا - قارابۇراق اۋىلدارىنىڭ ارالىعى.
سونىمەن بىرگە اقتوبە- ورسك، اقتوبە- ورىنبور تراسساسىندا دا بوران كۇشەيدى. اقتوبە- اتىراۋ باعىتىندا دا كولىك قاتىناسىنا شەكتەۋ قويىلدى. سامارا- شىمكەنت تاسجولىنىڭ مارجانبۇلاق اۋىلى ماڭىندا 11 اۆتوكولىك سوقتىعىستى.
«بولجام بويىنشا بوران سالدارىنان جول مۇلدە كورىنبەي قالعان. زارداپ شەككەندەر جوق، الايدا كولىكتەر ءبۇلىندى. اقتوبە وبلىسىنىڭ پوليتسەيلەرى جول قوزعالىسى كەزىندە جىلدامدىقتى، اراقاشىقتىقتى ساقتاۋدى ەسكەرتەدى. كوكتايعاق كەزىندە كولىك قۇرالدارىنىڭ جۇرگىزۋشىلەرى كەنەتتەن مانيەۆر جاساماۋى ءتيىس. ال جاياۋ جۇرگىنشىلەر جولدان ءوتۋ كەزىندە جاقىن ماڭدا اۆتوكولىكتىڭ جوق ەكەنىنە كوز جەتكىزۋى كەرەك. قازىرگى ۋاقىتتا اقتوبە وبلىسىنداعى بارلىق اۆتوجولدار جابىق»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
